Ғарыш айлағы қаласына таяқ тастам жерде отырса да осы екі ауылдың басы ауырып, балтыры сыздаған тұрғындары дәрігерлік ем алу үшін тоқсан шақырым жердегі Қармақшы ауданына баруға тиісті болатын. Енді ол күндер артта қалды. Байқоңыр қаласындағы ашылған емханаға қажетті медициналық құрал-жабдықтарды алу үшін 64 млн. теңге бөлінген.
Медициналық орталық қажетті мамандармен толығымен қамтамасыз етілген. Облыстық денсаулық сақтау басқармасы Қазақстан азаматтары, оның ішінде зейнеткерлер, 18 жасқа дейінгі балалар және Байқоңыр қаласында тұратын жұмыссыз азаматтар облыстық медициналық орталық филиалының қызметін пайдалана алатындығын айтады.
Қазіргі таңда, вакцинация жасау, амбулаториялық деңгейдегі тегін дәрі-дәрмектермен қамту, диспансерлік науқастарды динамикалық бақылау, алдын-ала тексеруден өткізу атап айтсақ, әскерге шақыру алдындағы және жасқа толғанға дейінгі балаларды медициналық тексеруден өткізу сияқты бірқатар проблемалық мәселелерді шешу үшін жұмыс тобы құрылды.
Бақтияр ТАЙЖАН,
«Егемен Қазақстан».
Қызылорда облысы.
