Аймақтар • 13 Қазан, 2018

Атыраулық 40 сарбаз Таразға әскерге аттанды

246 реткөрсетілді

Атыраудағы Жеңіс саябағында Қазақстан Республикасы Қарулы Күштерінің қатарына қабылдау салтанаты өтті. Атыраулық 40 сарбаз Тараз қаласындағы құрлық әскеріне шұғыл әскери қызметке жіберілді. Облыс әкімі Нұрлан Ноғаев болашақ жауынгерлер, олардың туыстары мен жақындары алдында сөз сөйледі.

- Бүгін біз қазақстандық әскер қатарына жас жігіттерімізді Отан алдындағы борышын атқаруға жібереміз. Бірақ, борыштан бөлек, әскери қызмет – сарбаз үшін ең жақсы өмірлік мектеп. Әскердегі қызмет бірқатарыңызға жетілу, мінез, батылдық үшін өмірлеріңіздегі алғашқы сынақ,- деді Нұрлан Ноғаев. – Бүгінде біздің еліміз әлемдік кеңістікте өзіне лайықты орны бар мемлекет. Бұл, әлбетте, Елбасымыз, бас қолбасшы Нұрсұлтан Назарбаевтың ішкі және сыртқы сарабдал саясатының арқасы. Қазақстандық әскер үшін материалдық-техникалық база, әлеуметтік көмек тұрғысынан барлық жағдай қарастырылған. Бұл біздің әскерге шекарамызды қорғауда алға қойылған стратегиялық тапсырмаларды орындауға мүмкіндік береді. Жас сарбаздарға азаматтық борыштарын лайықты түрде өтеп, анттарына адал болуларын тілеймін.

Облыс басшысы сонымен қатар, жауынгерлерге әскери қызмет қиындығына мойымай, аман оралып, батылдық танытып, мұқтаж адамдарға әрдайым көмек көрсетуге қабілетті болуларын тіледі.Басты міндет – жас ұрпақ санасында өз елі мен болашағына деген мақтаныш пен жауапкершілік сезімін ояту. Көптеген жастар Отанға қызмет ету – әр ер азаматтың борышы екенін түсінеді.

Атырау облыстық қорғаныс істері департаментінің басшысы, полковник Батырхан Ақбалиевтың айтуынша, бүгінгі жауынгерлердің әр қайсысы нағыз сарбаз болуға лайықты.

- Әскердегі қызмет кешегі жасөспірімді келешек Отанына адал ер азамат болуға тәрбиелейді. Ақ жол тілейміз, - деді Батырхан Ақбалаев.

Атырау қалалық ардагерлер кеңесінің төрағасы Әліпқали Бекеш және сарбаздардың туысқандары да өз тілектерін білдірді.

Айта кетейік, 10 қыркүйекте Қазақстанда сарбаздарды күзгі Қарулы Күштер қатарына шақыру басталған болатын. Республика бойынша 1992-2000 жылы туылған 17 мыңнан аса азаматты шақыру жоспарланған. Атырау облысынан күзгі маусымға 826 сарбаз шақырылды. 215-і әскери бөлімдерге орналасуға жіберілді. Олардың 175-і ҰҚК Шекара қызметіне, 40-ы Қарулы Күштерге қабылданды.

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар