Мемлекеттік-жекеменшік әріптестік аясында заманауи үлгіде салынған спорт кешенінің құрылыс жұмыстарына 2 миллиард 640 миллион теңге жұмсалды. 7238 шаршы метр аумақты алып жатқан орталық 4 жабық және 3 ашық теннис кортынан тұрады. Тренажер залы, медициналық қосын, киінетін, жуынатын бөлмелер, конференц зал, дәмхана, нұсқаушылар кабинеттері жұмыс істейді. Волейбол, баскетбол сияқты спорт түрлерімен де шұғылдануға болады. Трибуна1200 адамға лайықталған.
Теннис орталығының құрылысына «ForteBank» АҚ-ы қаржы құйды.
«Мұнда «ITF», «ATF» халықаралық талаптатарына сай турнирлер өткізуге болады», дейді Қазақстан теннис федерациясы президентінің орынбасары Дияс Досқараев.
Кешеннің директоры Нұрлан Әбдірахмановтың айтуынша, қазірдің өзінде 250 бала тенниспен айналысуға тілек білдірген.
Өмір ЕСҚАЛИ,
«Егемен Қазақстан»
Солтүстік Қазақстан облысы
