Тамыз айының басында Ирактың оңтүстігіндегі Басра қаласында ауызсу тапшылығы, электр қуатын таратуда ақаулар байқалған.
Сол уақыттан бері сапасыз ауызсудан зардап шеккендердің саны күн санап артып келеді. Бүгінге дейін олардың саны 95 мыңның айналасында болған. Уланғандар арасында Еуропа одағының Ирактағы елшісі Рамон Блекула да бар.
Мұның арты ел оңтүстігіндегі тұрғындардың жаппай наразылығына әкеп соқтырған. Осыған байланысты шұғыл шақырылған парламент отырысынан еш нәтиже болмаған. Артынша премьер-министр Хейдар аль-Абади парламент өкілдерін ел оңтүстігіндегі жағдайды саяси мақсаттарына пайдаланды деп айыптады.