Аймақтар • 15 Қазан, 2018

Заңсыз мұнай тасымалының зардабы көп

53 реткөрсетілді

Өткен жылы Атырауда 42,3 млн тонна мұнай, 20,9 млрд текше метр ілес­­пе газ өндірілді. Өкі­ніш­­тісі оңай олжа тап­қысы келетіндер осы саланы көп төңіректейді. Мұ­най өнімдерінің заң­сыз айналымы бойынша келтірілген залал құны биыл 52 млн теңгеге жет­кен және бұл тек анық­тал­ған қылмыстарға ғана қатысты болып отыр.

Облыстық прокуратураның баспасөз қызметі берген мәлі­мет­ке сүйенсек, 2017 жылы мұ­най және мұнай өнімдерін жым­қыруға байланысты, сон­дай-ақ оларды заңсыз сақтау, тасы­малдау және сатуға қа­тыс­ты 35 қылмыс тіркеліп, оның 18-і сотқа жолданған. Ал биыл­ғы алты айда осы санатта­ғы қылмыстардың саны 14 болды, бесеуі сотқа жолданды. 

Прокуратура жүргізген талдау қылмыстық істерді тергеу барысында мұнайдың немесе мұнай өнімдерінің шыққан жерлері анықталмайтынын көр­сеткен. Тергеу тек тасымал­дау­­шыларды анықтау дең­гейі­мен шектелуде. Ал ши­кі­зат­тың бастапқы жөнелтушісі бүр­кемеленіп, жабулы қазан жабулы күйінде қалып келеді. Осыған орай облыстық прокура­тура қыл­­мыс­тық жолмен табыл­ған қар­жыны анықтауды және кіріс­ті заңдастыруға қарсы іс-әре­кет жасауды құқық қорғау орган­дарының назарына берген. Бұл туралы Атырау облыстық прокуратурасында «Мұнай және мұнай өнімдерінің айналымы саласында заңдылықтың жағ­да­йы, соның ішінде осы санаттағы қылмыстардың профилактикасына, анықталуына, тергелуіне тиімді шараларды қабылдау» тақырыбында өткен үйлестіру кеңесінде айтылды. Шарада Бас прокуратура жанындағы құқық қорғау академиясының өкіл­дері «Мұнай және мұнай өнім­дері саласындағы қылмыстар­ды анықтау және тергеу» ғылыми-тәжірибелік кешенін таныстырды. Өнеркәсіп саласындағы көлеңкелі экономикаға қарсы күрестің нәтижелерін арттыруға бағытталған кешен іс жүзінде тиімділігін көрсетсе игі. 

Бақытгүл БАБАШ,

«Егемен Қазақстан»

АТЫРАУ

Баннер
Соңғы жаңалықтар

Еділ мен Жайық суы араласты

Аймақтар • Бүгін, 10:04

Ұқсас жаңалықтар