Отырысқа, сондай-ақ Бас прокурордың орынбасары М.Ахметжанов пен ІІМ Қылмыстық-атқару жүйесі комитетінің төрағасы А.Базылбеков қатысып, бас бостандығынан айыру орындарындағы адам құқықтарын қамтамасыз етудің өзекті мәселелерін талқылады.
Үйлестіру кеңесінің қарауында Бас прокурор тапсырмасы бойынша Алматы облысының пенитенциарлық мекемелеріне жүргізілген тексерудің қорытындысы болды. Онда сотталғандармен қатыгез қарым-қатынас жасау, мекеме қызметкерлерінің заңсыз іс-әрекеттерін жасыру мақсатында оларға қысым көрсету фактілері расталған.
Осы мәселеге байланысты Үйлестіру кеңесі ІІМ басшылығының алдында кінәлі адамдарды жазалау қажеттігі мәселесін қойды.
Үйлестіру кеңесінің мүшелері алдын ала анықталған фактілердің негізінде түзеу мекемелерінде арнайы құралдарды қолдану арқылы қатыгездік қаупінің жоғары факторлары болуын атап өтті. Осы жағдайды ескере отырып, сотталғандарды колонияларда тінту және этап кезеңінде қабылдау туралы іс-шараларды жүргізуге ҰАТ қатысушыларын тарту тәжірибесін енгізу жөнінде шешім қабылданды.
Тұтастай алғанда, ұлттық алдын алу тетігінің ІІМ ҚАЖК-мен өзара іс-қимылындағы оң динамика атап өтілді, бұл туралы пенитенциарлық мекемелер әкімшіліктерінің оларға ҰАТ қатысушыларының кіруіне кедергі келтіретін жағдайлардың барынша азаюы куәландырады.
Осы тұрғыда Үйлестіру кеңесінің халықаралық сарапшылармен бірлесіп құқық қорғау органдарының қызметкерлері үшін тиісті тренингтер өткізу жөніндегі рөлі жоғары бағаланды.
«Егемен-ақпарат»
