Қазақстан • 28 Қазан, 2018

«Grand Slam» турнирінде дзюдошыларымыз қос жүлдеге қол жеткізді

211 реткөрсетілді

Бұл күндері Біріккен Араб әмірлігінің астанасы – Әбу-Дабиде өтіп жатқан «Grand Slam» турнирін Қазақстанның дзюдошылары сәтті бастап, қос жүлдеге қол жеткізді.

60 кило салмақта өнер көрсеткен Ғұсман Қырғызбаев қола медальді мойнына ілді. Бастапқы бәсекелерде венгриялық Саба Сабо мен ресейлік Альберт Огузовты ұтқан ол жартылай финалда испаниялық Франциско Гарригосқа жол берді. Одан кейін бельгиялық Жорр Верстратеннен айласын асырған Ғұсман қола медальді иеленді.

66 кило салмақта белдескен Ерлан Серікжанов күміс жүлдегер атанды. Жарыс барысында португалиялық Жоао Крисостомо, түркіменстандық Батыр Гурбаниязов, израильдік Барух Шмаилов және испаниялық Альберто Мартин Гайтероны ұтқан қандасымыз шешуші тұста грузиялық Важа Маргвелашвилиге есе жіберді.

Өкінішке қарай, еліміздің атақты қос балуаны – Елдос Сметов (60 кило) пен Отгонцецег Галбадрах (48 кило) үшін Әбу-Дабидегі дода сәстіз аяқталды. Алғашқы айналымдарды түркіменстандық Хақберді Жұмаев пен өзбекстандық Ділшодбек Баратовтан басым түскен Елдостың да жолын Франциско Гарригос бөгеді. Жұбаныш бәсекесінде ол Альберт Огузовты ұтқанымен, үшінші орын үшін сайыста Өзбекстанның тағы бір өрені Шарафуддин Лутфуллаевқа жол берді. Ал Отгонцегец тұсаукесер кездесуінде қытайлық Юанан Лиден жеңілсе, Елдос Жұмахановты (66 кило) үшінші  кезеңде Альберто Мартин Гайтеро сүріндіріп кетті.

Ғалым СҮЛЕЙМЕН,

«Егемен Қазақстан»

Баннер
Соңғы жаңалықтар

Жаңа аялдамаға жаны қас

Аймақтар • Бүгін, 08:31

Жаңаөзенде жаңа жоба басталды

Аймақтар • Бүгін, 08:24

Тағзым мен тағылым тоғысқан той

Руханият • Бүгін, 08:19

Экономикада тұрақты өсім бар

Экономика • Бүгін, 08:06

Краудфандинг қазаққа да жат емес

Қазақстан • Бүгін, 08:00

Ең қысқа әңгіме. Данияр Саламат

Ең қысқа әңгіме • Кеше

Ең қысқа әңгіме. Нұрболат Аманжол

Ең қысқа әңгіме • Кеше

Ең қысқа әңгіме. Ерболат Қуатбек

Ең қысқа әңгіме • Кеше

Нұрлыбектің домбырасы

Руханият • Кеше

«ХАТ ҚОРЖЫН»

Қазақстан • Кеше

Ұқсас жаңалықтар