Аймақтар • 31 Қазан, 2018

Әлеуметтік көмек көрсетуге бюджеттен 2 млрд теңге бөлінді

296 рет
көрсетілді
1 мин
оқу үшін

 

Мемлекет басшысының 5 институционалдық реформасын толық іске асыру бағытында атаулы әлеуметтік көмек көрсетудің жаңа форматы енгізілді. Осыған сәйкес облыс бойынша 35444 адамға атаулы әлеуметтік көмек тағайындалды.

Әлеуметтік көмек көрсетуге бюджеттен 2 млрд теңге бөлінді

- Биыл жаңа форматтағы атаулы әлеуметтік көмек көрсетуге бюджеттен 2 млрд. теңге қаражат бөлінді. Оның 1,4 млрд.теңгесі республикалық 0,6 млрд теңгесі жергілікті бюджетті құрады. Үстіміздегі жылдың 9 айында облыс бойынша 35444 адамға яғни 6728 отбасыға 1529,6 млн.теңгеге атаулы әлеуметтік көмек тағайындалып, 1313,8 млн.теңгесі төленді. Атаулы әлеуметтік көмек алушылардың құрамындағы 18 жасқа дейінгі балалар 63,1%, жұмыссыздар 8,3%, жұмыс істейтіндер 9,3%, бала күтімімен отырғандар 14,8%, студенттер 2,7%, зейнеткерлер мен барлық топтағы мүгедектер 1,2% құрайды - деді Алтын Есқараева.

Бақтияр ТАЙЖАН,

«Егемен Қазақстан»

Қызылорда облысы