31 Қазан, 2018

Оралда «Еуразия періштесі 2018» атты кішкентай фотомодельдер байқауы өтті

223 реткөрсетілді

 

Орал қаласында «Еуразия періштесі 2018» атты кішкентай фотомодельдер байқауы өтті. Байқауға қатысқан 23 модельдің 21-і – есту, сөйлеу және көру қабілеті нашар балаларға арналған мектеп оқушылары болды.

Бұл байқауды «Періште» қайырымдылық қоры ұйымдастырған. Қор 2011 жылдан бері талантты балалар мен жастарды қолдаумен айналысып келеді. Бүгінгі байқаудың мақсаты – мүгедек балаларды қоғамның мәдени өміріне тарту, әлеуметтік тұрмысқа бейімдеу екен.

Байқауға қатысуға Батыс Қазақстан облысының аудандарынан және Атырау қаласынан да ниет білдіргендер көп болды. 4 пен 17 жас аралығын қамтыған сайыс бірнеше фотосессиядан тұрды. Байқаудың финалдық бөліміне 17 бала өтті. Хадиша Бөкеева атындағы Батыс Қазақстан облыстық қазақ драма театрының сахнасында қорытындыланған соңғы сынақта жүзден жүйрік шыққан жеңімпаздар анықталды.

- Кішкентай фотомодельдер бұл сайысқа бар ынтасымен қатысты. Жан толқытар сәттер де болды. Осы байқауға қатысып жатқан бір баланың әкесі кеше ғана ауыр науқастан дүние салды. Бірақ марқұм соңғы сөзінде ұлына сайыстан қалмауын өтініп, жеңіс тілеп кеткен екен. Тіпті жерлеу рәсімінің уақытын да конкурстан кейінге қалдырған. Қоғам өмірінен көбіне шет қалып жүрген мұндай жандарға көптің көз алдында, сахнада өнер көрсету оңай емес қой. Олар бәрін жеңіп шықты, - дейді байқауды ұйымдастырушы Жанар Дәулетова.

Сонымен, қыздар арасында ең кішкентайлар тобында 4 жасар Анелия, орта топта 14 жасар Кристина, 15-16 жастағы ересектер тобында Әсем және егіз Алена мен Вероника бас жүлдеге ие болды. Ер балалар арасында 11 жасар Айберген мен 17 жасар атыраулық Евгений жеңімпаз танылды.

Айтпақшы, жас модельдердің фотосессиясын жасаған – оралдық жас фотографтар болатын. Ең сәтті көрініс, ең мықты сурет үшін олар да өзара өнер бәсекесіне түсті. Сөйтіп, Екатерина Мочалова бас жүлдені, Шерхан Едекешев – 1 орынды, Абылай Ғалимат – «ең креатив фотограф» атағын иеленіп, Мейірбек Тәжқұранов алғыс хат алды.

Байқаудың Гран-при жүлдесі мен 1 бәйгесін алған фотомодельдер Париж қаласындағы халықаралық сән байқауына жолдама алды. Олар сондай-ақ «Edelweiss» арт-студиясында моделинг пен этикет бойынша тегін сабақ алады.

Қазбек ҚҰТТЫМҰРАТҰЛЫ,

«Егемен Қазақстан»

Батыс Қазақстан

Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар