Аймақтар • 01 Қараша, 2018

Ақтауда жасөспірімдер арасында халықаралық турнир басталды

231 рет
көрсетілді
1 мин
оқу үшін

Турнир дзю-додан КСРО спорт шеберлігіне үміткер Баламұрат Ақшабаевты еске алуға арналды. Биыл 9-шы рет өткізіліп отырған турнир бұған дейін спортшының туған өлкесі Бейнеу ауданында өткізіліп келген болатын.

Ақтауда жасөспірімдер арасында халықаралық турнир басталды

Жыл сайын қатысушылар санының артуы, республика аумағынан бөлек, көрші елдерден сұраныстың көп болуы нәтижесінде халықаралық сипат алып, Ақтау қаласында ұйымдастырыла бастады. Биылғы жылы турнирге Қазақстанның барлық облыстарынан, Өзбекстан, Қырғызстан республикаларынан 600-ге жуық спортшы қатысуда. Спортшылар арасында 200-ге тарта үміткер - маңғыстаулық өрендер.

-Баламұрат Ақшабаев 16 жасынан бастап кәсіби спортпен айналыса бастаған. Республикалық, халықаралық додаларда топ жарған ол өмірден жастай кетеді. Маңғыстау облысы әкімдігінің, спорт басқармасының қолдауымен жерлестері, ұрпақтары, бауырлары жыл сайын Баламұрат Ақшабаев атындағы турнирді өткізуді дәстүрге айналдырып келеді. Сұраныстың артуы – турнирдің халықаралық сипатқа ие болуына жол ашты, дейді Маңғыстау облысының дене шынықтыру және спорт басқармасы басшысының м.а. Нұрбек Қарабалаев.

Гүлайым ШЫНТЕМІРҚЫЗЫ,

«Егемен Қазақстан»

Маңғыстау облысы