Аймақтар • 05 Қараша, 2018

Атырау - руханият ордасы

306 реткөрсетілді

Атырау дегенде әдетте мұнай мен балық алдымен еске түседі. Қазыналы өлкеде өнердің де бәсі биік. Биыл мәдениет саласына жергілікті бюджеттен 4,5 млрд теңге бөлінді.

Мәдениет ұйымдарына автокөліктер алынды, шығармашылық ұжымдардың сахналық киімдері мен музыкалық аспаптары жаңартылды. Атап өтер жаңалықтың бірі – Сарайшық қалашығын Жайық өзенінің арнасы шайып кетуінен сақтап қалу мақсатында жағаны бекіту жұмыстары жүргізілді. Атырау қаласы мен Махамбет ауданында екі мәдениет үйі салынды. Қазір өңірде 8 мәдениет нысанының құрылысы жүріп жатыр.

Облыстық мәдениет, архивтер және құжаттама басқармасының басшысы Саламат Сабырдың айтуынша, мемлекет басшысының «Болашаққа бағдар: рухани жаңғыру» бағдарламалық мақаласы аясында аймақта 193 іс-шара іске асқан. «Қасиетті Қазақстан» картасына Атыраудан 7 нысан енді. Биыл Махамбет ауданында Махамбет Өтемісұлына арналған ескерткіш тұрғызылды. Енді облыс орталығында Әбу Сәрсенбаев, Қаршыға Ахмедияров, Хамит Ерғалиевтердің еңселі ескерткіштері бой көтереді.

Облыстық тарихи-өлкетану музейінің қазіргі ғимараты толыққанды жұмыс жүргізуге тар болып тұр, сондықтан жаңа ғимараттың тиісті құжаттары дайындалып жатыр. Мемлекеттік архив те алдағы жылдары жаңа орынға көшеді. Ендігі мәселе-Дина Нұрпейісова атындағы қазақ халық аспаптар оркестріне ғимарат керек, қазір осы жайт жергілікті атқарушы биліктің назарында. Сондай-ақ, 800 орындық концерт залының құжаттары дайындалды. Өнер, әдебиет саласының өкілдеріне арналған шығармашылық орталық та алдағы жылдары бой көтереді.

Өңірдегі шығармашылық ұжымдар Үндістан, Македония, Португалия, Түркия, Ресей, Венгрия, Сербия, Франция мемлекеттеріне гастрольдік сапарға барды. Талантты жастардың талаптарына қолдау көрсетіліп келеді, соның нәтижесінде республикалық, халықаралық байқауларға қатысқан 14 өнерпаз бас жүлдені, 30-ға жуығы жүлделі орындарды жеңіп алды.

Бақытгүл БАБАШ,

«Егемен Қазақстан»

АТЫРАУ

Баннер
Соңғы жаңалықтар

Жаңа аялдамаға жаны қас

Аймақтар • Бүгін, 08:31

Тағзым мен тағылым тоғысқан той

Руханият • Бүгін, 08:19

Экономикада тұрақты өсім бар

Экономика • Бүгін, 08:06

Краудфандинг қазаққа да жат емес

Қазақстан • Бүгін, 08:00

Ең қысқа әңгіме. Данияр Саламат

Ең қысқа әңгіме • Кеше

Ең қысқа әңгіме. Нұрболат Аманжол

Ең қысқа әңгіме • Кеше

Ең қысқа әңгіме. Ерболат Қуатбек

Ең қысқа әңгіме • Кеше

Нұрлыбектің домбырасы

Руханият • Кеше

«ХАТ ҚОРЖЫН»

Қазақстан • Кеше

Ұқсас жаңалықтар