500 метрлік бәсекеде ақтық сынға дейін алқынбай жеткен қандасымыз шешуші тұста да асқан шеберлік танытты. Финалдық сайысты 40.136 секундтық көрсеткішпен аяқтаған қандасымыз күміс медальды иеленді. Бұл – Қазақстанның жаңа рекорды! Ал бас жүлдені Қытайдың мақтанышы, Олимпия ойындарының жеңімпазы және сол жарыстың үш дүркін жүлдегері, төрт дүркін әлем чемпионы У Дацзин қанжығасына байлады. Қола медаль да атақты спортшыға бұйырды. Оның иегері – Олимпиада, әлем және Еуропа чемпионы венгриялық Шаолинь Шандор Лю. Сондай-ақ, Калгаридегі жарыста Еркебұлан Шамұхановтың да жеңіс тұғырына көтерілуге мүмкіндігі болды. Ол финалға жолдама алғанымен, қорытынды есепте бесінші орынды қанағат тұтты.
Әлем кубогының келесі кезеңдік сайысы 9-11 қараша күндері АҚШ-тың Солт-Лейк-Сити қаласында өтеді.
Ғалым СҮЛЕЙМЕН,
«Егемен Қазақстан»
