Аймақтар • 13 Қараша, 2018

Көлік құрастыру үдерісі 15,7 %-ға өсті

200 реткөрсетілді

Астанадағы Орталық коммуникациялар қызметінде Қос­танай облысы әкімінің қатысуымен аймақтың соңғы 9 айдағы әлеуметтік-экономикалық даму қорытындыларына арналған баспасөз конференциясы өтті. Аймақ басшысы Архимед Мұхамбетов баяндамасында өңірге тартылатын инвестиция, цифрлы технологияларды енгізу және жұмысшылардың еңбекақысын өсіру барысы туралы баяндады. 

– «Қазіргі таңда облыс­та ав­токөлік құрастыру жұ­мы­сы қарқынды дамып келеді. Жыл басынан көлік құрас­тыру 15,7%-ға дейін өсті. «Сары­арка­Авто­Пром» ЖШС алаңында биыл – 7772 автокөлік, 93 жүк көлігі, 76 автобус пен микро­ав­тобус шығарылды. Ал «Агро­маш­Хол­динг» АҚ-та 225 комбайн өндірілді, бұл кәсіпорынның өнімділігі 2,1 есеге артып отыр, – деді А.Мұхамбетов. 

Сондай-ақ өңір басшысы облыстағы агроөнеркәсіптік кешен саласына цифрлы технологиялар қалай енгізіліп жатқанына тоқталды. – Қосар­лас жүргізу технологияларын енгізу жөніндегі техника паркі жаңғыртылды, жанар-жа­­ғар­майды есепке алатын және техниканы орнынан ауыс­тыру есебін жүргізетін датчик­тер орнатылды. Егін шығым­дылығының, ыл­ғал­дылығының, дән бастырудың онлайн мони­торингі жүйесі енгізіле отырып, егін жинау техникасы қай­та жарақтандырылды. Жануар­ларды чиптеу және электронды эпизоотиялық карталарын жасау технологиялары енгізілуде, – деді ол. 
Келесі жылдан бастап об­лыс­тағы бюджетке түсетін жүк­теме азаймақ. Яғни, ол орташа есеппен таяудағы үш жылда жыл сайын шамамен 2 млрд теңгені құрайды деп күтілуде. 

Мемлекет басшысының Қазақстан халқына Жолдауында айтылған міндеттерді іске асыру аясында Қостанай облысының соңғы 9 айдағы жұмысын қоры­тындылаған аймақ басшысы жұмысшылардың еңбекақысы туралы сөз қозғады. 

Оның айтуынша, 200-ден астам кәсіпорында 36 мың жұ­мыскердің жалақысы өсуде. Мысалы, 1 қарашадағы көрсет­кіш бойынша 180 мекемеде 4500 адамның жалақысы кө­бей­ді. 1 желтоқсаннан 337 мекеме­де 7600 адамның табысы едәуір өсетін болады. Қалған мекеме­лерде де 1 қаңтардан бастап ең­бекақыны өсіру жоспарланған. 

Айта кету керек, «Рухани жаң­ғыру» бағдарламасы аясында өңірде биыл сомасы 4,2 млрд теңгенің 153 әлеуметтік жобасы іске асырылып жатыр.

Ақмарал АҒЗАМҚЫЗЫ,

«Егемен Қазақстан»

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар