Аймақтар • 13 Қараша, 2018

Теңдесі жоқ жобаның тегеуріні импортты ығыстырады

199 реткөрсетілді

Елбасы Нұрсұлтан Назарбаев «Қазақстандықтардың әл-ауқатының өсуі: табыс пен тұрмыс сапасын арттыру» атты биылғы Жолдауында Үкіметтің өңдеу секторындағы экспорттаушыларға қолдау көрсетуге баса мән беру қажеттігін айта келіп, ішкі нарықты отандық тауарлармен толтыру маңызды екендігіне тоқталған болатын.

Шынында да Көкшетаудың сауда сөрелері іргедегі Ре­­сей­­дің өнім­деріне сыңсып то­­­лып тұр. Осы иен тіресіп жа­т­қан өзгенің өнімі арасынан өз тауарларымызды сирек кез­дестіретін болдық. Басқасын былай қойғанда, жеңсік ас са­натындағы құс еті де әрідегі Америка құр­­лығынан, қала бер­ді Ре­сейден тасымалданады. Қазір халық денсаулыққа мән бере бастаған. Ата тәмсілімен «жыл­қының еті жатқанша, сиырдың еті таң ағарып атқанша, қойдың еті келесі күн батқанша» деп есеп­тейтін бүгінгі жұрт құс етін қолайлы көреді. Бірақ сұра­у­­­шының сүйген асын кім берсін? Осы уақытқа дейін жергі­­лікті жерде құс етін молынан өн­діру мүмкін болмай келді. Ақ­­мола өңіріндегі жалпақ жұрт Ма­­кинск қаласында аса ірі «Ма­кинск құс фабрикасы» жа­уап­кершілігі шектеулі серіктес­тігінің алғашқы кезеңі іске қосылғанда, бөркін аспанға атып қуанған. 

Жұмыс көзі аз көне қалада Орталық Азияда теңдесі жоқ ірі кәсіпорын – құс фабрикасының ашылуы ең алдымен жергілікті жердің жағдайын жақсартпақ деседі ел адамдары. Енді екі қолға бір күрек табылатын шығар. Бю­джетке мол түсім түссе, аз­дап тозған қаланың да әл­­еу­меттік-тұрмыстық жағ­­дайы көп-көрім көтерілуі мүмкін. Дүйім елді дүр еткізген ауқымды жобаның құрылысы 2015 жылдың маусым айында басталған болатын. Енді міне алғашқы кезеңі іске қосылып, үміт отын тұтатуда. Жоғарыда айтқан ел адамдарының пайымына біздің қосып айтарымыз, жылына 25 мың тонна құс етін өндіруге қарымы қаптал жететін фабриканың әзірге бірінші кезеңі ғана іске қосылған. Не­гізінде ел адамдарының болжа­мы дұрыс. Макинскідегі құс етін өндіретін фабриканың іс­ке қосылуы об­лыстық ауылшар­уа­­шылығы өнім­дерін өңдеу саласының дамуына зор серпін беретін ірі жоба. Жоба іске асқан сәтте облыс бюджетіне са­лық түрінде қомақты қаржы құ­йыл­мақ. Ал жергілікті жерде жүз­деген жұмыс орындары ашылады. 

Жалпы, құны 45,6 миллиард теңгені құрайтын бұл жобаға қатысушылар қазақстандық және шетелдік инвесторлар. Оқ­ыр­манға тү­сі­нікті болуы үшін сәл таратып айта кетелік. Жобаның бастамашысы – «Aitas KZ» АҚ. Қажетті қаржының жартысы­нан астамын «Бәйтерек» хол­дин­гінің еншілес ұйымдары – «Қа­­зақстанның даму банкі», «Қазы­на капитал менеджмент» ак­цио­нерлік қоғамдары беріп отыр. 

Бұл жоба еліміздегі құс-шаруа­­шылығын дамыту ба­ғы­тындағы ең көп қаржы са­лынған ірі жоба болып есептеледі. Құс фабрикасының бірінші кезегі 9 өндірістік алаңды, оның ішінде инкубаторды, әрқайсысы 12 құс қорасынан тұратын 4 брой­лерлік бөлімді, құс өндіру зауытын, компос желіні, қос­алқы алаңды, азық өндіру цехын қамтиды. Қазіргі уақытта инкубатор жұмыс істеп тұр. Фабриканың ашылу салтанаты болған кезінде жұмыртқалар салынған инкубаторлардың қақпағы да жабылған болатын. Қазан айының 6-сынан бастап жұмыртқа алына бастады. 

Алып құс фабрикасының екінші кезеңі 2020 жылдың екінші жартысында пайдалануға беріледі. Міне, осы уақытта фаб­рика сағатына 9 мың бройлер өңдеу қуатына жетпек. Сол сәттен бастап құс өндіру көлемі жағынан Орталық Азиядағы ең ірі кәсіпорынға айналады. Ол күн де алыс емес. Фабрика өндіретін негізгі өнім – бройлердің салқындатылған еті. Тиімділігі құс еті импортының үлесін қыс­қар­туға септігін тигізбек. Мәсе­лен, қазір бұл импорт 50 пайыз­ды құрап отырса, екінші кезең жүзеге асырылған кезде 30 па­йызға дейін қысқаратын болады. Негізгі өнім Ақмола, Сол­түс­тік Қазақстан, Қостанай жә­не Қарағанды облыстарына, сон­­дай-ақ Астана қаласының сау­­­да сөрелеріне шығарылады. Осы аталған аймақтардағы құс етіне деген сұраныстың 60 пайызын қанағаттандыруға қауметі жетеді. 

Шынтуайтында бұл құс фаб­­рикасы әлемдік құсшар­уашы­лығының ең озат үлгісі болып табылады. Осыған орай шаруа­шылық жаңа заманғы құрал-жабдықтармен толық қамта­масыз етілген. Жобаға жергі­лікті жердің көмегі де аз емес. Мәселен, құс фа­бри­касы­ның аумағында ор­наласқан бар­лық ғима­раттардың жалпы ауданы 227 366,88 шаршы метрді құрап отыр. Бұл кәсіпорындар биоқауіпсіздік пен өндірістің экологиялық талаптарын сақтау мақсатында инкубациялық өндіріс, құс сою, ет-сүйек ұн­ын өндіру кезеңдерінде жо­ғары технологиялық энергия үнемдейтін жабдықтар пайдаланылады. Айналып келгенде, өсімдік, құс шаруашылықтары және ет өңдеу саласындағы кәсіпорындар біріктіріледі. 

Жаңа жоба Астананың азық-түлік белдеуіне де игі ық­­­­пал етеді. Астаналық тұ­тыну­шы­лар­дың 50 пайыздан ас­тамының сұраны­сын өтейтін жа­ңа жоба толық қуа­тына көшкен кезде елдің еріні өз өнім­дерімізге толық тиетін болады. 

Байқал БАЙӘДІЛ,

«Егемен Қазақстан» 

Ақмола облысы,

Бұланды ауданы

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар