Білім • 14 Қараша, 2018

Алғашқы қоғамдық кітапхана

963 рет
көрсетілді
1 мин
оқу үшін

Күн сайын қаладағы қо­қыс жәшіктеріне тасталған кітаптарды көру атыраулық тарихшы Вячеслав Афа­насьевқа ауыр тиетін. Бір күні белгілі меценат, «Бы­лина» орыс этномәдени бір­­лестігінің төрағасы Ан­д­рей Кораблевқа «Осы кітап­тардың бәрін бір жерге жинау мүмкін болса» деген ойын айтады. Идеяны кәсіпкер де қолдай кетті, соның нә­ти­жесінде Атырауда ал­ғаш рет халықтық кітап­хана ашыл­ды. 

Алғашқы қоғамдық кітапхана

Облыс орта­лы­ғын­да­ғы «Колизей» ЖШС ғи­­­маратынан орын ал­ған кі­тапханаға қазірдің өзінде алты мыңнан астам кітап жи­налған. 

– Мемлекет басшысының «Болашаққа бағдар: рухани жаңғыру» бағдарламалық мақаласын жүзеге асыру бағытында облыста бірқатар шаралар атқарылып жатыр. Қоғамдық кітап­ха­на­­ның ашылуын да осы бағдарламамен байланыс­тыруға болады. Мұнда кез келген адам келіп, кітап оқуы­на және сыйлауына­ мүмкіндік бар. Мен де кі­тапх­анаға көрімдік ре­тінде біраз кітаптар әкелдім, – дей­ді  Атырау облысы бо­йын­­ша ҚХА төрағасының орын­басары-Хатшылық басшысы Гүлмира Шәкірова.

Қоғамдық кітапханадан сан түрлі саладағы әдебиет­терді, көркем әдебиетті та­буға болады. Тіпті мұнда сирек кездесетін кітаптар да бар. «Былина» орыс этно­мәдени бірлестігі алдағы уақытта кітапхана жанынан ашық пікірталас алаңын құруды жоспарлап отыр.

Бақытгүл БАБАШ,

«Егемен Қазақстан»

АТЫРАУ