Футбол • 14 Қараша, 2018

Жанкүйеріңді қуанта бер, «Тобыл»!

147 реткөрсетілді

Қостанайлықтар қуанышы жанында күздің ықтасын іздетер қара суығының ызғары да білінбеген тәрізді. Орталық стадионда «Тобыл» Солтүстік Қазақстан облысының «Қызылжар» командасымен биылғы соңғы кездесуін өткізіп, 3:0 есебімен ұтты. 

«Тобыл» «Қызылжарды» осылай ойсырата жеңіп, стадионда қара суыққа қарсы қарап, ойынның әр сәтін бағып отырған жанкүйерлерін қуа­нышпен жылытып жібер­гендей болды. Бірақ «То­был» жанкүйерлерінің бас­ты қуа­нышы бұл емес еді. Команда биыл ел чемпионатында үшінші орынды жеңіп алды. Бұл «Тобыл» командасының 8 жылдан кейінгі шығып отыр­ған биігі болатын. Осы­ған орай Қос­танай қала­сындағы Е.Өмір­­зақов атындағы облыс­тық филармонияда командаға құр­мет көрсетілді. 

Қазақстан футболының аңызы, Сейілда Байшақов «Тобыл» командасының мү­шелеріне, басшыларына, қыз­меткерлеріне қола медаль тапсырды. Футбол спортының мерейлі сәтіне арналған салтанатта облыс әкімі Архимед Мұхамбетов футболшылар мен жанкүйерлерді биылғы табысымен құттықтады. 

– Қазақстан чем­пио­на­тындағы табысымыз үлкен еңбектің арқасында мүмкін болды. Алдымен фут­бол­шыларға, барлық бапкерлерге рахмет айтамын. Әкім­ші­лік тарапынан да футболға жасап отырған жағдайды жанкүйерлер көріп отыр. Осыдан бірнеше жыл бұ­рын стадион күтімсіз, стан­дарт­қа сай келмейтін. Біз алғаш­қы жылдан-ақ қар­жыны ин­фрақұрылымды жақ­сартуға жұмсадық, бәрін орнына келтірдік. Бүгін орталық стадион толық жөн­деуден өткізілді, УЕФА-ның барлық стандарттарына сай келеді. Затобол кентіндегі, Ар­қалық, Рудный қалала­рындағы стадиондар да жаңа талаппен жөнделді. Бүгінде Рудный қаласында тұтас спорт кеше­нінің құ­рылысы жүріп жатыр, онда да футбол алаңдары бар. Осындай жұ­мыстардың бола­шақ жеңіс­тердің де ал­ғы­шартына айналатыны сөзсіз, – деді Архимед Беге­жанұлы. 

Салтанатта команда ка­питаны, есімі облыстан сырт жерлерге де танымал футбол­шы Нұрбол Жұмасқалиев жанкүйерлері мен әріптестерін жеңісімен құттықтады. Со­ны­мен қатар өзінің футбол мансабын «Тобылдың» өз алаңында «Қызылжар» командасымен кездесуімен аяқтағанын хабарлады. Ол осы ойында да «Қызылжар» қақпасына «Тобылдың» бір добын өзі салған болатын.

Айтпақшы, облыстың «То­был-2000» жас­тар құ­рамасы да футбол ор­та­лықтары арасында өткен Қа­зақ­стан чемпионатында «ағасының» жо­лымен үшінші орын алды.

Ал футбол салтанаты эс­трада өнер­паздарының әні­мен өрнектелді.

Нәзира ЖӘРІМБЕТ,

«Егемен Қазақстан»

ҚОСТАНАЙ

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Алматы еліміздің мәдени орталығы

Қазақстан • 18 Қазан, 2019

Жаңаөзенде «Баста» форумы өтті

Аймақтар • 18 Қазан, 2019

Алғашқы күні жүлде бұйырмады

Спорт • 18 Қазан, 2019

«Алтын бутса» иесі атанды

Спорт • 18 Қазан, 2019

Тағы овертаймда ұтылды

Хоккей • 18 Қазан, 2019

Жәнияның жұлдызы жарқырады

Руханият • 18 Қазан, 2019

Ұқсас жаңалықтар