Әдебиет • 15 Қараша, 2018

Халық ақынының халық алдындағы есебі

259 реткөрсетілді

Қазақстанның Халық ақыны Қалыбекова Әселхан Әлішерқызының Шымкент қаласындағы «Отырар» ғылыми-әмбебап кітапханасында «Жаулығымның ұшына жұпар түйдім» атты оқырмандармен кездесу кеші өтті, деп хабарлайды Отырар ауданы әкімінің баспасөз қызметі.

Поэзиялық кешке Отырар ауданының әкімі Айтаханов Ерлан Қуанышұлы қатысып, айтыс сүйер қауымның ыстық ықыласына бөлене жүріп қаншама жыр сүлейлерін шыңдап, айтыс додасына қанат қақтырған халық ақынының халық алдындағы поэзиялық есеп беру кешімен құттықтады.

«Өзі де - өлең, өмірі де - өлең ерге бергісіз қайсарлық пен даналықтың иесі, қазақтың Әселханы айтыстың діңгегі берік ақберені атанса, құлындай баптаған шәкірттері пырақтай топ жарып, қазақ әдебиеті мен мәдениетіне де айрықша үлес қосып келеді. Қара сөзде - кие бар. Қара сөзде - жүйе бар. Ұйқаспен өрілген әрбір өлең жолында ақын ананың арқасына арқалағаны ұрпақтың ұлағаты, ұлдың ұлықты абыройы, қыздың өмірлік тәрбиесі екені бірден аңғарылады. Әлі де дарын дарабоздарын баптап, даңқын асқақтата береріңізге сенеміз. Ғұмыр жасыңыз ұзақ, деніңіз сау болсын», деген Ерлан Қуанышұлы ақын анаға арнаған сыйлығын табыстады.

Арқалы ақынның шығармашылық кешіне Қазақстанның еңбек сіңірген қайраткері, халықаралық «Алаш» сыйлығының лауреаты, «Құрмет» орденінің иегері, жазушы-драматург, тарихшы Еркінбек Тұрысов және Бекет Тұрғараев, Мархабат Байғұт, Нармахан Бегалыұлы, Баян Тіленшина, Сәрсен-Бек Сахабат сынды зиялы қауым өкілдері ақынның шабытты шығармашылығы жолындағы ел үлгі алар, келешекке танымды, тәлімді із салар істері жөнінде ой бөлісті.

Оңтүстіктен жұлдыздай жарқырай шығып, дүйім ел алдында қара сөздің қадірі мен қасиетін орамды ой, өткір де шырайлы тілмен тыңдарман жүрегіне жеткізіп, қоғамға қозғау салар сардар сөзді терген ақынның шәкірттері Маржан Есжанова, Анар Жаппарқұлова, Дәурен Ақсақаловтар ұстаздарына жырдан шашу шашып, қазіргі таңда ұстаздан үлгі алған шәкірттер ұстазға айналып, жаңа буынның өнер жауқазындарын жайқалтуға күш салып жатқандықтарын да жеткізді.

Рухани мәнге толы мәдени шараны қалалық «Отырар ғылыми-әмбебап кітапханасының директоры Күлия Айдарбекова жүргізді. Кеш аясында ақынның сөзіне жазылған әндер шырқалып, өлеңдері оқылды.

Соңғы жаңалықтар

Жақсы дәстүр жалғасады

Руханият • Бүгін, 08:49

Алаштанушы ғалымның белесі

Руханият • Бүгін, 08:47

Игілікті еңбек иесі

Қоғам • Бүгін, 08:46

Намазалы Омашұлы: Ел шежіресі

Руханият • Бүгін, 08:42

Тараз шаһарындағы тамаша түн

Аймақтар • Бүгін, 08:39

Тұңғыш Тіл форумы өтеді

Қоғам • Бүгін, 08:36

Патриархтың орындалған парызы

Руханият • Бүгін, 08:33

Кедергісіз келешек

Қоғам • Бүгін, 08:31

Жошы ханға ескерткіш орнатылады

Руханият • Бүгін, 08:24

Қазақтардың атқа міну мәдениеті

Қазақстан • Бүгін, 08:22

Еуроны сатып алушылар көбейді

Экономика • Бүгін, 08:20

АQR: 14 банкті «сауықтыру» керек пе?

Экономика • Бүгін, 08:15

Ең қысқа әңгіме. Омарбек Нұрдәулет

Ең қысқа әңгіме • Кеше

Күлкі керуені № 6

Руханият • Кеше

Ең қысқа әңгіме. Айбек Ережеп

Ең қысқа әңгіме • Кеше

Ең қысқа әңгіме. Әсел Асқарқызы

Ең қысқа әңгіме • Кеше

Ең қысқа әңгіме. Еділ Анықбай

Ең қысқа әңгіме • Кеше

Ең қысқа әңгіме. Сайлау Төлеу

Ең қысқа әңгіме • Кеше

Ең қысқа әңгіме. Ербол Бораншы

Ең қысқа әңгіме • Кеше

Ең қысқа әңгіме. Нұрлан Қабдай

Ең қысқа әңгіме • Кеше

Ұқсас жаңалықтар