Форумға еліміздің барлық өңірінен келген 850-ден аса делегат қатысып жатыр. Жиын барысында тəжірибелі 100-ден аса кəсіби сарапшы, Парламент депутаттары, министрлер, қоғам белсенділері баяндама жасайды деп күтілуде.
Сондай-ақ 13 орталық мемлекеттік органның бірінші басшыларының қатысуымен үкіметтік емес сектордың өкілдеріне арналған параллель салалық сессиялар ұйымдастырылады. Қатысушылар 2020-2025 жылдарға арналған Азаматтық қоғам институттарын дамыту тұжырымдамасының жобасын талқылайды.
Форум соңында әлеуметтік мәселелерді шешуге үлес қосқан үкіметтік емес ұйымдарға «Таным» жүлдесі табысталады.
Маржан ТІЛЕУБЕК,
«Егемен Қазақстан»
