Аймақтар • 06 Желтоқсан, 2018

Шымкентте Жаңа жылдық шырша Тәуелсіздік күнінен кейін орнатылады

399 реткөрсетілді

Еліміз үшін ең қастерлі күннің бірі – Тәуелсіздік мерекесі. Желтоқсан айының бел ортасында өтетін бұл атаулы күн көбіне Жаңа жыл мейрамының тасасында қалып кетіп жататыны жасырын емес. Осы келеңсіздікті болдырмас үшін үшінші мегаполис билігі Жаңа жылдық шыршаны Тәуелсіздік мерекесінен кейін орнататын болып шешім шығарды.

Осылайша жылдың басты шыршасы 18 желтоқсанда Бейбітшілік көшесінде ашылған Жаңа Арбатта қойылады деп жоспарлануда.

Естеріңізге салар болсақ, осыдан ілгері Шымкентте Жаңа жылдық безендіруге бюджет қаржысынан 70 млн теңге бөлінгені туралы айтылған болатын. Бұл туралы жуырда Орталық коммуникациялар қызметінде өткен брифингте Шымкент қаласының қала әкімі Ғабидолла Әбдірахымов мәлімдеген еді.

Қала мэрінің айтуынша миллионды шаһар үшін 70 млн теңге анау айтқандай көп қаржы емес.

«Лондон мен Парижді, Мәскеуді қараңыз. Қазір бәрі қалай жасалынып жатыр?! Кез келген адам өмірді «вау» деп сүргісі келеді», деген еді Әбдірахымов брифингте ағынан жарылып.       

Мәселен, былтыр Шымкентті Жаңа жылға орай сәндеу жұмыстарына жергілікті қазына қаржысынан 49 млн теңге бөлінген. Ал, қала келбетін әрлеуге жауапты сала мамандары биылғы қаралған бюджеттің көптігін қаланың республикалық ерекше мәртебе алғандығымен байланыстырады.

Нұршат ТӨКЕН,

«Егемен Қазақстан»

ШЫМКЕНТ

Баннер
Соңғы жаңалықтар

Арыста 7073 үй қалпына келтірілді

Аймақтар • Бүгін, 17:15

Байсал тартқан балалар өлеңі

Әдебиет • Бүгін, 08:30

Күзетшіге мұқтаж елміз

Қоғам • Бүгін, 08:25

Ұқсас жаңалықтар