Мобильді қосымшаны «AFEW Kazakhstan» Қоғамдық Қоры Халықаралық даму жөніндегі АҚШ агенттігінің (USAID) көмегімен АИТВ-ға қарсы іс-қимыл жобасы шеңберінде жасалды. POZ.INFO қосымшасында дәрі-дәрмектер және пациентті емдеудің жеке схемасы туралы ақпаратты, АРВ қабылдау уақытын еске түсіретін оятқыш, АӨА және форумға қарым-қатынас үшін көмектесетін мемлекеттік және үкіметтік емес ұйымдардың байланыстары бар.
– Қосымшаны орнату оңай, онда дәрігер тағайындаған препараттарды таңдау, күнін, таблеткалар мен қабылдаулардың санын көрсету, қабылдау уақытын орнату және ұсынылған нұсқалардан ескерту мәтінін таңдау,а болады. Сонымен қатар, қосымшада «АИТВ-инфекциясы», «иммундық жүйе», «вирустық жүктеме» және «CD4-лимфоциттер» ұғымдары туралы ақпарат табуға болады», – деді «AFEW Kazakhstan» атқарушы директоры Роман Дудник.
– Денсаулық сақтау жүйесін цифрландыру – уақыт талабы. Осы АӨА-ға арналған мобильді қосымша қолдану оңай әрі арзан. Біздің науқастар оның осы жақтарын бағалап, осы техникалық жаңалықты қуана қолданады, – дейді Алматы қалалық ЖИТС-тің алдын алу және оған қарсы күрес орталығының бас дәрігерінің орынбасары Альфия Денебаева.
POZ.INFO қосымшасы тегін, жасырын, тіркеуді талап етпейді және дербес деректерді сақтамайды. Ол Play Market және Appstore-да Android және iOS платформаларында қолжетімді. Қосымша Алматы қалалық ЖИТС орталығы базасында АИТВ-мен өмір сүретін жандар арасында сәтті сынақтан өтті.
Айнаш ЕСАЛИ,
«Егемен Қазақстан».
АЛМАТЫ
