«Бұл мақсат үшін республикалық қазынадан 5,3 миллиард теңге жұмсалды. Атқарылған шараларға қарамастан 286 ауыл орталықтандырылған су жүйесіне зәру. Осы тапшылықты жою үшін биыл 9,4 миллиард теңге бөлініп отыр» дейді Энергетика және тұрғын үй-коммуналдық шаруашылық басқармасы басшысының орынбасары Азамат Елеусізов.
Былтыр 10 ауданға сапалы тіршілік нәрімен қамтамасыз ету нысандары тартылса, айыртаулықтар үшін де нәтижелі болды. Атап айтқанда, аудан орталығы Саумалкөлдің тең жартысына орталықтандырылған су жүйесі тартылды. Жыл соңына дейін ауылдағы үйлердің барлығына таза ауыз су кіргізілмек.
Тұрғын үй-коммуналдық шаруашылық, жолаушылар көлігі және автомобиль жолдары бөлімінің жетекшісі Маратбек Шәменовтың айтуынша, Егіндіағаш, Қаратал ауылдарының тұрғындары да сапалы ауыз суға қол жеткізетін болады.
Өмір ЕСҚАЛИ,
«Егемен Қазақстан»
Солтүстік Қазақстан облысы
