Қызылордада индустриялық аймақ ашылған. Ондағы жобаларды іске асыру үшін тек ынта ғана емес, осы өткелектен табысты өткен елдердің тәжірибесі мол керек. Түркия мемлекеті жеңіл өнеркәсіпті өркендетуде әлемде жетекші елдердің біріне айналып келеді. Сондықтан да қызылордалық кәсіпкерлер халық бұйымын жиі тұтынатын жеңіл өнеркәсіп орындарына атап айтқанда, киім, шұлық және аяқ киім шығаратын цехтарында болып, жұмыстарымен танысты.
Бұл турдың тағы бір пайдасы кәсіпкерлер біліктілігін арттырып қана қоймай, Түркиядағы әріптестермен бірлескен кәсіпорындар да құра алады.
Бақтияр ТАЙЖАН,
«Егемен Қазақстан»
Қызылорда облысы
