17 Қаңтар, 2019

«Шұбаркөл көмір» үш тепловоз сатып алды

747 рет
көрсетілді
2 мин
оқу үшін

Еуразиялық Топ (ERG) құрамындағы «Шұбаркөл көмір» АҚ темір жол паркінің дамуына 2,7 млрд теңгеден астам қаржы салынды. Оны жаңғырту және кеңейту кәсіпорынның тұрақты жұмысы мен өндіріс өсуін қамтамасыз етуге мүмкіндік береді.   

«Шұбаркөл көмір» үш тепловоз сатып алды

Брянск машина жасау зауытының (РФ) 2ТЭ25КМ екі секциялық магистралдық локомотиві салмағы 6 400 тоннаға дейінгі жүк пойыздарын тарта алады. Бұрынғыларға қарағанда, осы тепловоздың бірталай артықшылығы бар: жоғары тарту күші, орнатылған диагностика құралдарын қолдану, залалды заттардың шығарылуы төмен, күштің шығындары оңтайландырылған. Құрылым ерекшелігіне байланысты, 2ТЭ25КМ  моделінің пайдалану шығындары, соның ішінде жанармай шығыны бұрынғы модельдерден аз. 

Бұдан басқа, тағы екі су жаңа тепловоз кәсіпорынның ішкі жолдарында ауыр шығару және дөңестік жұмыстарды орындайды. Тура сол өндіруші зауытының ТЭМ 18 ДМ маневрлік тепловоздары жаңа үлкейтілген машинист кабинасымен, жетілдірілген және үнемді дизель-генераторымен жабдықталған. Тепловоздарда борттық энергиямен жабдықтау, микропроцессорлық басқару және диагностика жүйелері, сонымен қатар машинист кабинасында микроклимат жүйесі қолданылады. Аталған жүйелер жанармайдың қосымша үнемделуін, локомотивке техникалық қызмет көрсету және жөндеу шығындарын азайтуды және локомотив бригадаларында еңбек жағдайларының жақсартуын қамтамасыз етеді.       

– Бұл тепловоздар бірнеше жылдық тексеруден өткен және пайдаланған жылдары өздерін өте жақсы жағынан көрсеткен модельдердің негізінде жасалған, – деп ескертті «Шұбаркөл көмір» АҚ темір жол цехының бастығы Вячеслав Бортвин. – Олар қозғалыс қауіпсіздігі мен еңбекті қорғау саласындағы барлық заманауи талаптарға, сонымен қатар ERG техникалық талаптарына сәйкес келеді. Бұл - біздің барлық жоспарларымызды жүзеге асыруға көмектесетін сенімді жабдық.

Жаңа техниканы сатып алу «Шұбаркөл көмір» АҚ 2019 жылғы инвестициялық бағдарлама аясында іске асырылған. Қосымша локомотивтерді қолдану компанияның 2018 жылға қарағанда, 2019 жылы 1,5 млн тоннаға артық көмір жөнелту жоспарын жүзеге асыруына елеулі түрде ықпал етеді.