Қазақстан • 17 Қаңтар, 2019

Алматыда Есентай өзенінің арнасын бекіту жұмыстары жүріп жатыр

264 реткөрсетілді

Алматыда төтенше жағдайлардың алдын алу мақсатында Есентай өзенінің арналарын бекіту жұмыстары жүріп жатыр. Биылғы жаз айларында өзен жағалауындағы тротуарларды, спорт алаңдарын абаттандыру және жарық желілерін жүргізу ісі қолға алынбақ. Мамандардың айтуынша, мұнда 4000 ағаш отырғызу жоспарланған.

Қазіргі кезде ұзындығы 1,8 км болатын аумаққа тірек қабырғаларын орнату, өзен түбіне темірбетон төсеу және техникалық жолдарды абаттандыру жұмыстарының 65 пайызы аяқталған. Атқарылған шаралар учаскеде су ауқымын күнделікті өткізу қуатын 10 есеге дейін ұлғайтпақ.

«Құрылыс жұмыстары барысында «Tokyo Rope Almaty» зауытында шығарылатын отандық өнімдер қолданылуда. Өндіруші әлемдік жоғары сапалы стандартқа сай ауыр габиондарға 50 жылдан астам кепілдік беруде. Мегаполис басшысы селдің алдын алу жұмыстарына ерекше назар аударылатынын атап өтті. Соңғы үш жыл ішінде сел қаупі бар учаскелер 67-ден 12-ге қысқарды, тоғыз өзеннің арналары реконструкцияланды және 300 км арық желілері қайта жасалды. Шаһарды одан әрі дамытудағы басты қағида қауіпсіздік пен таза экология болуы тиіс», – дейді қала әкімдігінің баспасөз қызметінің өкілдері.

Бұлардан өзге, Алматыда «Ақсай» және «Аюсай» жаңа су бөгеттерін салу ісі де жоспарланған. «Мыңжылқы» су бөгетін реконструкциялау жұмыстары аяқталуға жақын. Осыған дейін қала аумағындағы Ерменсай, Кереңқұлақ, Үлкен және Кіші Қарасу сияқты төрт өзеннің арналары бекітілген.

Арман ОКТЯБРЬ,

«Егемен Қазақстан»

АЛМАТЫ

Соңғы жаңалықтар

Рейтингте жоғарылады

Кәсіпқой бокс • Бүгін, 07:22

«Алтын сақа» үздіктері анықталды

Ұлттық спорт • Бүгін, 07:15

Қазақ әні Нью-Йоркте шырқалды

Руханият • Бүгін, 07:09

Шапағатты жол

Руханият • Бүгін, 06:59

«Қайырболатты қайтарыңдар!»

Аймақтар • Бүгін, 06:56

Волонтерлер бас қосты

Қоғам • Бүгін, 06:47

Стипендия көтеріледі

Қоғам • Бүгін, 06:43

Нақты тапсырмалар берді

Президент • Бүгін, 06:27

Алтын орданың ақ таңы

Руханият • Кеше

Күлкі керуені № 23

Руханият • Кеше

Ұқсас жаңалықтар