Аймақтар • 17 Қаңтар, 2019

2 тонна қызылбалық, 113 келі уылдырық тәркіленді

135 реткөрсетілді

Батыс Қазақстан облысының полиция қызметкерлері облыс аумағында қызыл балық пен қара уылдырық сатып, таратумен айналысып келген ұйымдасқан қылмыстық топты ұстады.

БҚО Полиция департаменті баспасөз қызметі бүгін таратқан ақпаратқа қарағанда, оқиға бұдан бір ай бұрын, 2018 жылғы 11 желтоқсанда болған. Сол күні БҚО ПД Ұйымдасқан қылмыспен күрес департаменті қызметкерлері арнайы санкция бойынша шара жүргізіп, 2 тоннадан аса қызыл балық пен 113 келі уылдырық, басқа да заттай айғақтарды тәркілеген.

Дәл қазір тергеу орындары Қылмыстық кодекстің 339-бабы («Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу») және 262-бабы («Ұйымдасқан топ, қылмыстық ұйым құру және оларға басшылық ету, сол сияқты оларға қатысу») бойынша қылмыстық іс көтеріп, сот алды тергеу жұмыстарын жүргізіп жатыр.

Қазбек ҚҰТТЫМҰРАТҰЛЫ,

«Егемен Қазақстан»

Батыс Қазақстан

Соңғы жаңалықтар

Жас өнерпаз Алматыға ән арнады

Аймақтар • Бүгін, 10:10

Күлкі керуені № 20

Руханият • 06 Желтоқсан, 2019

Оралда жастар бастамаларын қолдау жақсы

Аймақтар • 06 Желтоқсан, 2019

Ұқсас жаңалықтар