Қазақстан • 18 Қаңтар, 2019
Елордалық құтқарушылар жанып жатқан үйден 6 адамды шығарды
Өрт сөндіруге 5 техника бірлігі мен 19 қызметкер жұмылдырылды. Бұл туралы Астана қаласы әкімдігінің ресми сайты хабарлады.
Отқа оранған үйлердің бірі Күйші Дина көшесінде орналасқан.
«17 қаңтарда сағат 22:16-да Өрт сөндіру қызметінің орталық «101» байланыс пунктіне Күйші Дина көшесіндегі үйлердің бірінде өрттің шыққаны туралы хабарлама келіп түсті. 5 минуттан кейін оқиға орнына жеткен Өрт сөндіру қызметі бөлімшелерінің қызметкерлері 5 қабатты тұрғын үйде ас үй жиһазы, тұрмыстық техника және төбені әрлеу бөлшектерінің жанып жатқандығын анықтады», - деп мәлімдеді Астана қаласы ТЖД баспасөз қызметі.
Кіре беріс қатты түтіндегендіктен адамдарды қауіпсіз жерге көшіру және барлау жұмыстарын жүргізу үшін газ-түтіннен қорғау қызметінің буыны ұйымдастырылды.
Жанып жатқан пәтерден және көрші пәтерлерден ересектер мен балаларды сыртқа шығару шаралары жүргізілді. Өрт сөндіру кезінде 6 адам құтқарылды. Құтқарылғандардың екеуі – бала. Өрт сағат 12:38-де ауыздықталып, сағат 22:41-де толықтай өшірілді.
Тұншықтырғыш газдан уланған 46 жасар ер адам №1 қалалық ауруханаға жатқызылды. Астана қаласы ТЖД хабарлауынша, өрт тұрмыстық құралдардағы электр сымдарының қысқа тұйықталуы салдарынан шыққан. Өртті сөндіруге барлығы 5 техника бірлігі мен 19 қызметкер жұмылдырылды.
Бокс: Төлтаев пен Нұрмағанбет жартылай финалда
Спорт • Кеше
Түркістан облысының аграрийлері 5,7 млрд теңгеге қаржыландырылды
Экономика • Кеше
Қостанай қаласында 270 көп балалы отбасы пәтер кезегінде тұр
Аймақтар • Кеше
Мемлекет басшысы бірқатар Заңға қол қойды
Президент • Кеше
Қыздар университетінде Наурыз мейрамы кеңінен аталып өтті
Аймақтар • Кеше
Жаңа кітаптың тұсаукесері өтті
Аймақтар • Кеше
Қазақ киносындағы ұлттық болмыс киносыншының көзімен
Руханият • Кеше
Қ. Тоқаев Байқоңыр қаласының мәртебесі туралы Заңға қол қойды
Президент • Кеше
Ақтөбеде мүмкіндігі шектеулі азаматтардың ұсыныстары қаралды
Аймақтар • Кеше
Үш дзюдошымыз қола медаль үшін таласуда
Спорт • Кеше
Ұқсас жаңалықтар
