Аймақтар • 19 Қаңтар, 2019

Оралда өзен аңғарына 6 тонна сиыр терісін төккендер анықталды

378 реткөрсетілді

Орал қаласының іргесіндегі «Орбита» саяжай қауымдастығы аумағына түн жамылып кірген КамАЗ көлігі 6 тоннаға жуық сиыр терісін Шаған өзенінің аңғарына төге салып, ізін жасырған.

Айта кетейік, «Орбита» саяжай қауымдастығы – талай адам тұрақты қоныс еткен, соңғы жылдары табиғи газ құбыры тартылып, шағын елдімекенге айналған жер. Бір түнде пайда болған тау-төбе қоқыс ең алдымен осы ауыл тұрғындарының наразылығын тудырды. Өйткені шіріп бүліне бастаған теріден шыққан жағымсыз иіс айналадағы қаңғыбас ит пен мысықты өзіне шақырып, қоқыс базарына айнала бастаған.

- Оқиға 13-қаңтарға қараған түні болған екен. Орал қалалық Полиция басқармасының Абай бөліміне шағым телефон арқылы 17 қаңтарда түсті. Әрине, біздің қызметкерлер оқиға орнына барып, мән-жайды зерттеп, тергеу-тексеру шараларын жүргізді. Сөйтіп, қауіпті қалдықты тиісті орынға – қоқыс полигонына апармай, тоғай ішіне төгіп кеткен көлік жүргізушісін анықтады. Бұған бейнебақылау камерасындағы жазба көмектесті, - дейді Батыс Қазақстан облыстық Полиция департаментінің қызметкері Әлия Наурызғалиева.

Оқиғаға кінәлі - «Камаз-5511» автокөлігінің жүргізушісі, Орал қаласының 30 жасар тұрғыны болып шықты. Ол өз кінәсін толығымен мойындады.

Кінәлі жүргізуші әкімшілік жауапкершілікке тартылғанын айта кетейік.

БҚО полиция департаменті баспасөз қызметінің мәліметінше, 2018 жылы Әкімшілік құқық бұзушылық туралы Кодексінің 505 бабы (Қалалар мен елдi мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру) бойынша Батыс Қазақстан облысында 3927 заңбұзушылық тіркелген.

Ал бейнекамералардың көмегімен облыс аумағында барлығы 16104 заңбұзушылық оқиғасы әшкереленген екен.

Қазбек ҚҰТТЫМҰРАТҰЛЫ,

«Егемен Қазақстан»

Батыс Қазақстан

Соңғы жаңалықтар

Рейтингте жоғарылады

Кәсіпқой бокс • Бүгін, 07:22

«Алтын сақа» үздіктері анықталды

Ұлттық спорт • Бүгін, 07:15

Қазақ әні Нью-Йоркте шырқалды

Руханият • Бүгін, 07:09

Шапағатты жол

Руханият • Бүгін, 06:59

«Қайырболатты қайтарыңдар!»

Аймақтар • Бүгін, 06:56

Волонтерлер бас қосты

Қоғам • Бүгін, 06:47

Стипендия көтеріледі

Қоғам • Бүгін, 06:43

Нақты тапсырмалар берді

Президент • Бүгін, 06:27

Алтын орданың ақ таңы

Руханият • Кеше

Күлкі керуені № 23

Руханият • Кеше

Ұқсас жаңалықтар