Бокс • 22 Қаңтар, 2019

Үздіктер қатарында жүрген қазақстандық боксшылар кімдер?

366 реткөрсетілді

Әйгілі BoxRec.com сайты қазіргі кездегі Қазақстанның ең үздік он кәсіпқой боксшысының рейтингін жариялады. Мықтылар көшін әлі де WBC, WBA (Super), IBF және IBO нұсқалары бойынша әлемнің экс-чемпионы Геннадий Головкин бастап тұр. 

Әрине, оған таңдануға болмас. Себебі, отандастарымыздың арасынан ең тәжірибелісі де, ең атақтысы да дәл осы GGG екені еш күмән туғызбауға тиіс. Осы күнге дейін ол 40 кездесу өткізіп, 38 рет жеңіске жетті. 34 бәсекені мерзімінен бұрын аяқтады. Бір рет ұтылып, бір мәрте тең түсті. BoxRec рейтингінде Геннадий Головкин 263 ұпай жиып отыр.  

Екінші және үшінші орындарға Батыр Жүкембаев пен Мейірім Нұрсұлтанов жайғасты. 14 жекпе-жектің 12-сін нокаутпен аяқтаған Батыр 50 ұпай жиса, 10 кездесудің 8-інде айқын жеңіске қол жеткізген Мейірім 32 ұпайды иеленуде. Төртінші орында – Айдос Ербосынұлы. Оның да көрсеткіші дәл Мейірім Нұрсұлтановтікі секілді. Айдостың еншісінде 26 ұпай бар. Бір қуантарлығы, бұл жігіттердің үшеуі де күні бүгінге дейін жеңілістің кермек дәмін татқан емес.

Сондай-ақ, «ТОП-10» боксшының қатарында Бейбіт Шүменов (18-2, 12 КО), Әли Ахмедов (13-0, 10 КО), Абылайхан Құсаинов (9-0, 6 КО), Бобыржан Момынов (9-0, 8 КО), Нұрсұлтан Жанабаев (6-0, 4 КО) және Руслан Мәдиев (12-1, 5 КО) сынды саңлақтар бар.

 Ғалым СҮЛЕЙМЕН,

«Егемен Қазақстан»

Соңғы жаңалықтар

Күлкі керуені № 23

Руханият • Бүгін, 09:32

Жаңғырған Жамбыл өңірі

Аймақтар • Бүгін, 06:58

Баға QR кодтар арқылы беріледі

Медицина • Бүгін, 06:53

Рухани рәуіштегі тарту

Аймақтар • Бүгін, 06:52

Тұрар тағдырының тағылымы мол

Руханият • Бүгін, 06:32

Орынбор және қазақ зиялылары

Руханият • Бүгін, 06:30

Ел ертеңі – жалынды жастар

Президент • Бүгін, 06:16

Ауыр атлеттер Катарға аттанады

Ауыр атлетика • Кеше

Көпбалалыларға көмек

Аймақтар • Кеше

Ұқсас жаңалықтар