Тәні саудың – жаны сау
Сенбі, 8 желтоқсан 2012 7:03
«Қазақстан-2030» Стратегиясын жүзеге асыру мақсатында Қазақстан Республикасы Президентінің 1997 жылғы 3 желтоқсандағы №1678 Жарлығына сәйкес саламатты өмір салтын қалыптастыру қызметі құрылып, Денсаулық сақтау министрлігіне қарасты Саламатты өмір салтын қалыптастырудың ұлттық орталығы ашылды.
Аталған стратегияны орындау үшін «Халық денсаулығы» мемлекеттік бағдарламасы мен еліміздегі саламатты өмір салтын қалыптастырудың ұлттық саясатын жүзеге асырудың іргетасы болып қаланған «Саламатты өмір салты» кешенді бағдарламасы қабылданды.
Сенбі, 8 желтоқсан 2012 7:03
«Қазақстан-2030» Стратегиясын жүзеге асыру мақсатында Қазақстан Республикасы Президентінің 1997 жылғы 3 желтоқсандағы №1678 Жарлығына сәйкес саламатты өмір салтын қалыптастыру қызметі құрылып, Денсаулық сақтау министрлігіне қарасты Саламатты өмір салтын қалыптастырудың ұлттық орталығы ашылды.
Аталған стратегияны орындау үшін «Халық денсаулығы» мемлекеттік бағдарламасы мен еліміздегі саламатты өмір салтын қалыптастырудың ұлттық саясатын жүзеге асырудың іргетасы болып қаланған «Саламатты өмір салты» кешенді бағдарламасы қабылданды.
Әр азаматтың өз денсаулығына жауапкершілікпен қарауы, саламатты өмір салтын қалыптастыруы – уақыт талабынан туындап отырғандығы анық.
Өткен уақытқа көз жүгіртсек, алғаш рет Оңтүстік Қазақстан санитарлық ағарту үйінің жанынан ашылған саламатты өмір салтын қалыптастыру орталығы 1989 жылдың 1 қарашасынан облыстық денсаулық орталығы болып өзгерді. 1998 жылы облыстық саламатты өмір салтын қалыптастыру проблемаларының орталығы, содан кейін саламатты өмір салтын қалыптастыру орталығы болып өзгерді.
Халық көп шоғырланған оңтүстіктегі облыстық саламатты өмір салтын қалыптастыру орталығының осы аралықта айтарлықтай жетістіктерге жеткендігін атап айтуға болады. Өнегелі еңбектері үшін саламатты өмір салтын қалыптастыру проблемалары ұлттық орталығының алғыстарына ие болып, жүздері жарқын болды.
Орталықтың негізінде Сарыағаш қаласындағы «Нұр Әлем», «Әлем» денсаулық орталықтары көпшілікке қызмет көрсетеді. Сондай-ақ, темекіге қарсы бөлме жұмыс істейді. Бұдан басқа көптеген денсаулық мектептері, саламатты өмір салты кабинеттері тиімді жұмыс жүргізуде.
Бұған қоса «Саламатты жұмыс орындары», «Саламатты университеттер», «Денсаулықты нығайтуға бейімделген мектептер» жобалары бойынша да жұмыс ұйымдастырылуда.
«Саламатты Қазақстан» мемлекеттік бағдарламасын жүзеге асыруда біздің орталық тұрғындар, жастар мен жасөспірімдер арасында саламатты өмір салтын қалыптастыру мақсатында білім беру, медицина мекемелерімен және мемлекеттік емес ұйымдармен бірлесе отырып көптеген іс-шараларды ұйымдастыруды дәстүрге айналдырған.
Жыл сайын халыққа тегін медициналық-консультативтік көмек көрсетіп, тұрғындарға пайдалы кеңестер беретін республикалық «Денсаулық фестивалін» және «Денсаулық жолы» акциялары өткізіледі.
Аурудың алдын алу, тұрғындарды ақпараттандыру деңгейін көтеру мақсатында түрлі тақырыптарда танымдық материалдар шығарылып, бейне, аудио роликтер дайындалып жергілікті телеарналар арқылы көрсетілу де жүйелі жолға қойылған.
Медициналық мекеме қызметкерлері арасында «Үздік ауыл дәрігері», «Саламатты ауыл» атты байқаулар жыл сайын өткізіледі. Жастар мен жасөспірімдер арасында кең көлемді «Мен туберкулезді тоқтата аламын!» акциясы, «Біз жарақатсыз өмірді қалаймыз!», «Біз бақытты отбасымыз!» байқаулары, «Әкем, анам және біз!» атты жас отбасылық спорттық эстафеталар және басқа шаралар өзекті бола түсуде.
Үстіміздегі жылдың 22-23 қараша күндері «2012 жылға арналған саламатты өмір салтын қалыптастыру және аурулардың профилактикасы» бойынша Саламатты өмір салтын қалыптастыру проблемаларының ұлттық орталығының, Кардиология және ішкі аурулар, Онкология және радиология, Көз аурулары ғылыми-зерттеу институттары мамандарының қатысуымен республикалық семинар-кеңес өтті. Сонымен қатар, СӨСҚ аймақтық (Алматы қ., Жамбыл, Қызылорда, Алматы, Оңтүстік Қазақстан облыстары) орталықтарының басшылары, бастапқы санитарлық-медициналық көмек, мамандандырылған (кардиологиялық, онкологиялық, офтальмологиялық) қызметтердің өкілдері қатысқан семинар-кеңесте жүрек-қан тамыр, онкологиялық, сусамыр, глаукома сияқты аурулардың, олардың асқынуларының алдын алу, ерте сатысында анықтау үшін белгілі бір жастағы адамдар арасында алдын ала тексерудің, медицина тілімен айтқанда, скринингтік зерттеулердің жүргізілуі және оның нәтижелері сөз болды.
Оңтүстік Қазақстан облыстық саламатты өмір салтын қалыптастыру орталығының базасында өткен директоратқа саламатты өмір салтын қалыптастыру проблемалары ұлттық орталығының директоры, медицина ғылымдарының докторы, профессор Ж.Баттақова, медицина ғылымдарының докторы Ш.Қаржаубаева, еліміздің барлық облыстарының СӨСҚ орталық басшылары қатысты. Онда «Қазақстан-2030» Стратегиясына 15 жыл», «СӨСҚ қызметіне 15 жыл. Даму жолдары, жетістіктері» туралы баяндалып, пікір алмасты.
«Қазақстан-2030» Стратегиясын жүзеге асырудағы СӨСҚ қызметіне 15 жыл толды. Осы мерзімде аталған қызметтің қол жеткізген нәтижелері айтарлықтай: облыс тұрғындарының орташа өмір сүру ұзақтығы 69,8 жасты құрап, темекі шегудің таралуын төмендету 20 пайызды, алкогольді ішімдіктерді қауіпті мөлшерде тұтынуды төмендету 15,5 пайызды құрап отыр.
Алдағы уақытта да табиғаттың адамға берген ең қымбат сыйы – денсаулықты сақтау бағытындағы СӨСҚ қызметінің атқарып жатқан қолжетімді, жүйелі жұмысының сәтімен жүзеге аса беруіне тілектестік білдіреміз.
Денсаулық бәрінен де қымбат болғандықтан, саламатты өмір салты – біздің қалыпты тіршілігіміздің іргетасы болуы қажет. Соның нәтижесінде тәні саудың – жаны сау болады.
Гүлжан ӘМІРҚҰЛОВА,
облыстық саламатты өмір салтын қалыптастыру
орталығының маманы.
ШЫМКЕНТ.
