Өзін өзі тану – жаңа заман педагогикасы

Бейсенбі, 8 қараша 2012 7:18

Алматыда «Бөбек» Ұлт­тық ғылыми-практикалық білім беру және сауықтыру орталығының (ҰҒПББСО) 15 жылдығына орай «Өзін-өзі тану: сүйіспеншілік пен шығармашылық педагогикасы» халықаралық педагогикалық оқу­ла­ры табыспен өтті. Жиынға Қазақстан Рес­пуб­ликасы Білім және ғылым вице-ми­нистрі М.Н.Сарыбеков қатысып, салтанатты іс-шараны ұйымдастырушылар мен рес­ми тұлғаларды, аталмыш жиынға қа­ты­сушыларды құттықтап, 15 жыл ішінде ҰҒПББСО-да қызмет етіп келе жатқан алдыңғы қатарлы ғалымдар, педагогтар, тәр­биешілер, әдіскерлер мен қызмет­кер­лер­дің еңбегін атап өтіп, марапаттады. «Бөбек» қорының президенті, «Өзін-өзі тану» білім беру бағдарламасының авторы Сара Ал­пыс­қызы да сөз сөйлеп, қатысушыларға өз тілегін айтып, ризашылығын білдірді. 

Бейсенбі, 8 қараша 2012 7:18

Алматыда «Бөбек» Ұлт­тық ғылыми-практикалық білім беру және сауықтыру орталығының (ҰҒПББСО) 15 жылдығына орай «Өзін-өзі тану: сүйіспеншілік пен шығармашылық педагогикасы» халықаралық педагогикалық оқу­ла­ры табыспен өтті. Жиынға Қазақстан Рес­пуб­ликасы Білім және ғылым вице-ми­нистрі М.Н.Сарыбеков қатысып, салтанатты іс-шараны ұйымдастырушылар мен рес­ми тұлғаларды, аталмыш жиынға қа­ты­сушыларды құттықтап, 15 жыл ішінде ҰҒПББСО-да қызмет етіп келе жатқан алдыңғы қатарлы ғалымдар, педагогтар, тәр­биешілер, әдіскерлер мен қызмет­кер­лер­дің еңбегін атап өтіп, марапаттады. «Бөбек» қорының президенті, «Өзін-өзі тану» білім беру бағдарламасының авторы Сара Ал­пыс­қызы да сөз сөйлеп, қатысушыларға өз тілегін айтып, ризашылығын білдірді.  Үш күнге созылған халық­ара­лық деңгейде ұйымдасты­рыл­ған бұл атаулы іс-шараға Қа­зақстанның түкпір-түкпірінен «Өзін-өзі тану» бағдарламасын дамытуға, жетілдіруге үлес қо­сып жүрген мектепке дейінгі мекеме тәрбиешілері, әдіскерлері, мектеп мұғалімдері, колледж, жо­ғары оқу орындары оқыту­шы­ла­ры мен ғалымдары қатысты.

«Өзін-өзі тану» білім беру бағдарламасы даналықтың шы­ңы, ол – адамның өзін-өзі тануы, бақыт пен өмірлік табысқа жету үшін өзінің шексіз мүмкін­дік­те­рін аша алуы. Осы орайда, жас ұрпақтың рухани мәдениетін арт­тырып, көркемдік әлемін байытуда, дүниетанымын қа­лып­тастырып, салауаттылыққа тәр­биелеуде «Өзін-өзі тану» пәнінің орны ерекше. «Өзін-өзі тану» бағдарламасының негізгі мақ­саты – адамның қоршаған ортаны біліп, өзінің ішкі жан дү­ниесіне үңіліп, өзін-өзі бас­қару негізінде адамгершілік-рухани әлеуетін көтеру. Жеке тұл­ғаның бойына имандылық нұ­рын ұялатуда бұл пәннің мәні ерекше зор. Өйткені, бұл – кіріктірілген бағдарлама.
Бұл пән жеке тұлғаның өзін-өзі тануына және рухани баюына әсер ете отырып, әрбір тұлғаның жақсы жаққа өзгеруіне мүмкіндік береді. Сонымен қа­тар, ол жеке тұлға ретінде өзін-өзі тануға және өмір­лік ұстанымын, дүниета­ным­дық дең­гейін анықтайтын құн­ды­лықтар сапасына ие бо­лу­ға ба­ғыт-бағдар береді. Адамгершілік-рухани тұрғыдан дәріс алған балалар өмірлік маңызды құн­дылықтар жүйесін зерделейді, рухани және материалдық ар­а­қатынас мә­селесін пайымдай отырып өзіндік көзқарастарын шыңдай түседі.
Алғашқы күнгі жиынды Астана қаласы балаларды қорғау комитетінің төрайымы Раиса Шер ашса, «Бөбек» ҰҒПББСО бас директоры, педагогика ғы­лы­мының докторы, профессор Қор­лан Жампейісова өзін-өзі тану – жаңа заман педагогикасы екендігіне, ал Мәжіліс депутаты, саясаттану ғылымының докто­ры, профессор К.Н.Бұрханов қа­зіргі Қазақстанның құнды­лық­та­ры және білім беру жүйесіне тоқталды.
Ресей білім беру ака­демия­сының (Дағыстан, Махачкала) корреспондент-мүшесі, п.ғ.д., про­фессор Жафар Маллаев «Махаббат – тәрбие мен білім негізі» екенін өзінің зерттеулері нәти­же­сінде дәлелдегенін жеткізсе, Білім беру технологияларын да­мыту институтының (Ресей) рек­торы, Г.П.Новикова мектепке дейінгі кезеңде рухани құнды­лық бағдарларының қалыпта­суы­ның педагогикалық шарт­та­рын теориялық-әдіснамалық не­гіздеу және эксперименттік зерт­теулеріне тоқталды. Ал Педа­го­гикалық білім беру ғылым­дары­ның халықаралық академия­сы­ның (Ресей) президенті Е.И.Ар­та­монова «Өзін-өзі тану мұға­лімнің рухани мәдениетінің іс-әрекеттік мәні ретінде» тақы­ры­бында сөз өрбітті. Сондай-ақ, әл-Фараби атындағы ҚазҰУ-дың профессоры Ж.Молдабеков, Орал мемлекеттік педагогикалық уни­верситеті Әлеуметтік білім беру институты (Ресей) дирек­торы­ның орынбасары В.В.Байлук, Жас­тар академиясы ресми емес ағарту ассоциациясының пре­зиденті, Литва жастар орталы­ғы­ның директоры Валдас Янкаускас, Бур­гас тәуелсіз универ­си­те­ті­нің (Болгария) профес­соры Ицка Дерижан, «Язык и литература» ғылыми-әдіс­те­ме­лік жур­налының бас редак­торы Таир Ашрафоглы Алиев, Абай атын­дағы ҚазҰПУ-дің «Ұлт­тық тәрбие және өзін өзі тану» кафедрасының меңгерушісі Сауле Иманбаева, т.б. тақырып ая­сында баяндамалар жасап, тә­жі­рибелерінің нәтижелерімен бө­лісті.
Екінші күні ТМД елдерінен келген педагог-гуманистердің ше­берлік сыныптары, сондай-ақ, білім беру жүйесінің негізгі бас­палдақтары бойынша ұйым­дас­тырылған: мектепке дейінгі білім беру, орта білім беру, тех­ни­калық және кәсіптік, жоғары білім беру ұйымдары педагог­тарының педагогикалық шеберханалары және секциялық отырыстары өтті. Түстен кейін пе­даго­ги­ка­лық оқуларға қатысу­шы­­лардың жұмысы талданып, қарар қа­былданды.

Гүлзейнеп СӘДІРҚЫЗЫ,
«Егемен Қазақстан».