Әлем • 07 Ақпан, 2019

Ыстанбұлда сегіз қабатты тұрғын үй құлады

419 рет
көрсетілді
1 мин
оқу үшін

Түркияның Ыстанбұл қаласында сегіз қабатты тұрғын үй құлады. Бұл туралы CNN Turk телеарнасы хабарлады.

Ыстанбұлда сегіз қабатты тұрғын үй құлады

Телеарна мәліметінше, апат салдарынан екі адам қаза тауып, жеті адам жарақаттанған.

Ыстанбұл қаласының әкімі Әли Ерлікайдың айтуынша, 14 пәтерлік тұрғын үй 43 адамға пана болыпты. Сәрсенбі түстен кейін орын алған апаттың себептері әлі де белгісіз.

Әкімшіліктің хабарлауынша, тұрғын үйдің жоғарғы үш қабаты заңсыз салынған.

Оқиға кезінде ғимараттың астыңғы қабатындағы тоқыма цехында адам болмаған. Бұл туралы жергілікті шенеунік Зеки Даг айтты.

Телеарна ақпаратына сәйкес, ғимарат жергілікті сағат 16:00-де құлаған. Апат орнына өрт сөндірушілер, жедел жәрдем, полиция қызметкерлері жұмылдырылған.