Байқауда Димаш Қытайдағы I'm A Singer шоуында айтқан S.O.S d'un terrien en détresse композициясын орындады.
Сарапшылар Димаш Құдайбергеннің өнер көрсеткенін тік тұрып тамашалап, қошемет көрсеткен.
«Көзімді жұмып тұрғанда, онда 8-10 адам ән айтып жатыр деп ойлар едім. Бір адамның өзі мұны қалай орындап шықты», - дейді актриса Дрю Бэрримор. «Бұл шеберлік пен табиғи дарын. Сен The World's Best шоуының құрылуына себепшісің», - деді актер Ру Пол Андре Чарльз.
Мұның алдында Димаш Құдайберген бұл ол қатысатын соңғы байқау екенін айтқан еді.
Айта кетейік, бұл байқауға қазақстандық әнші қыз Данэлия Төлешова да қатысты. Шоудың басты жеңімпазы бір миллион доллар алады.
