08 Ақпан, 2019

Иштван Боскай турнирінде бес боксшымыз жартылай финалға өтті

329 рет
көрсетілді
1 мин
оқу үшін

Венгрияның Дебрецен қаласында өтіп жатқан бокстан Иштван Боскай атындағы турнирде жартылай финалға жолдама алған боксшылар белгілі болды деп хабарлайды Olympic.kz. 

Иштван Боскай турнирінде бес боксшымыз жартылай финалға өтті

Атап айтар болсақ, 52 келідегі Сәкен Бибосынов таиландтық қарсыласын жеңіп, турнирдің жартылай финалына өтті. 

56 келідегі Оразбек Асылқұлов тағы бір таиландтық спортшы Аммарид Яаддамнан басым түсті. 

60 келідегі Серік Теміржанов ресейлік Шахриер Ахмедовтен мықтылығын дәлелдеп, дәстүрлі турнирдің жартылай финалына жетті. 

64 келідегі Сабыржан Бекбергенов пен молдовалық Дмитрий Галагот арасындағы жекпе-жек те біздің спортшының жеңісімен аяқталды. 

75 келідегі Тұрсынбай Құлахмет ресейлік Вадим Туковты жеңді.

Еске сала кетейік, Венгриядағы турнирде Қазақстан сапынан әзірге бір боксшы жеңілді. Ол аса ауыр салмақтағы Нұрлан Сапарбай.