Аймақтар • 09 Ақпан, 2019

Сарбаздар спектакль тамашалады

634 рет
көрсетілді
1 мин
оқу үшін

«Шығыс» өңірлік қолбасшылығы Семей гарнизонының 44736 әскери бөліміне шақырылған сарбаздар, әскери қызметшілер мен олардың отбасы мүшелері Семей қаласындағы Абай атындағы қазақ музыкалық драма театрында болды.

Сарбаздар спектакль тамашалады

«Олар Ербол Жуасбек режиссерлігімен қойылған жазушы-драматург С.Балғабаевтың шынайы «Әйелдер әлемі немесе ең жақсы еркек» пьесасын тамашалап, заманауи оқиғалар, ер мен әйел арасындағы қарым-қатынастар, адамгершілік пен сыйластық құндылықтары жайындағы қойылымнан ерекше әсер алды. Әскери қызметшілер жеңіл де, ойнақы отбасылық комедияны көріп, демалыс күнін жақсы өткізді», - дейді «Шығыс» өңірлік қолбасшылығының баспасөз қызметінің маманы Меруерт Құрманғажина.

Бөлім сарбаздары бұған дейін 1856 жылғы тарих және сәулет ескерткіші – Семей тарихи-өлкетану мұражайын аралаған еді. XIX ғасырдың 50-ші жылдарында генерал-губернатор А.Проценконың бұйрығымен салынған ғимаратта революцияға дейін әскери губернатор тұрғанын, Совет үкіметі орналасқасын Бостандық үйі деп аталғанын, ал 1977 жылдан бастап жергілікті тарихи-өлкетану мұражайы болып өзгертілгенін білді.

Азамат ҚАСЫМ,

«Egemen Qazaqstan»

СЕМЕЙ