Қабылдау күтіп қиналмайсыз
Жұма, 20 қаңтар 2012 7:53
Астанадағы №8 қалалық емханаға келген науқас адамдар дәрігерге кіру үшін күн ұзақ кезек күтіп текке отырмайды. Себебі, мұнда емделушілер үшін барлық жағдай жасалған. Емдеу орнына кірген адам бірден тіркеу орнының анықтама қызметіне барады. Ондағы кезекшілер нақты ақпарат береді. Яғни, келу мақсатыңызға орай, дертіңізге сай сізге емдік, диагностикалық қызметтерге жол сілтейді. Әрине, үйге дәрігер шақыртамын немесе қабылдауға алдын ала жазыламын десеңіз, оны телефон арқылы-ақ атқара беруге болады. Және қай кабинет қай жерде деп іздеп жүрмей-ақ төменгі қабатқа ілінген мамандардың жұмыс кестесі мен кабинеттердің орналасу тәртібінің схемасынан іздеген жоғыңызды лезде тауып алуға болады.
Жұма, 20 қаңтар 2012 7:53
Астанадағы №8 қалалық емханаға келген науқас адамдар дәрігерге кіру үшін күн ұзақ кезек күтіп текке отырмайды. Себебі, мұнда емделушілер үшін барлық жағдай жасалған. Емдеу орнына кірген адам бірден тіркеу орнының анықтама қызметіне барады. Ондағы кезекшілер нақты ақпарат береді. Яғни, келу мақсатыңызға орай, дертіңізге сай сізге емдік, диагностикалық қызметтерге жол сілтейді. Әрине, үйге дәрігер шақыртамын немесе қабылдауға алдын ала жазыламын десеңіз, оны телефон арқылы-ақ атқара беруге болады. Және қай кабинет қай жерде деп іздеп жүрмей-ақ төменгі қабатқа ілінген мамандардың жұмыс кестесі мен кабинеттердің орналасу тәртібінің схемасынан іздеген жоғыңызды лезде тауып алуға болады.
Тағы бір айта кететін жәйт, егде жастағы емделушілер үшін жеке терезе бар, яғни өз өтініші бойынша оларды тіркеуші тікелей дәрігердің қабылдауына апарады. Жоғары дене қызуымен, жоғары қан қысымымен немесе басқа да шұғыл жағдайлармен келгендерді де медициналық тіркеуші жедел түрде арнайы кабинеттегі дәрігердің қабылдауына жеткізеді.
Бұрынғы дағды бойынша тұрғындар емханаға дәрігер қабылдауына жазылуға екі рет келетін болса, қазіргі тәртіп бойынша тіркеу орнындағы телефон желісі үзіліссіз байланыспен қамтамасыз етілген. Нақтылап айтқанда, тіркеу орны көп каналды телефон байланысымен жабдықталған. Қазіргі уақытта ересектер мен балалар корпусында 17 телефон нөмірі жұмыс істейді.
Бұл емхана бірыңғай ақпараттық жүйедегі (БАДЖ) құжаттарды қағазсыз жүргізуге көшу бойынша қанатқақты жобаға қатысуда. 2011 жылдың тамыз айынан бері емхана дәрігер қабылдауына жазу журналын толтыруды тоқтатты. Өйткені, алдын ала жазу МСЖ-де жүргізіледі, бұл жерде қабылдауға телефон арқылы немесе келіп жазылуға болады. Ең бастысы, емделушіге қозғалыс парағы беріледі, онда күні, уақыты, кабинет нөмірі көрсетіледі.
Дәрігерлерге алдын ала жазылудың тағы бір тәсілі – веб-сайтқа кіру. Веб-сайт арқылы қабылдауға жазылу егер емделушіде ЭСК (электронды сандық код) болса (және МСЖ интеграциясы кезінде (e.gov) жетіп жатыр.
Амбулаторлық карталарды таңбалау жүйесі де тіркеушілер жұмысын жеңілдете түскенін айтсақ, әрбір терапиялық учаскелердің өзіндік түспен таңбалануы амбулаторлық карталарды дәрігерге дейінгі кабинетке, қарау кабинетіне және дәрігерлік кабинетке жеткізуде уақытты үнемдеуге мүмкіндік береді.
Ал енді емхана ұжымының биылғы жылғы алға қойып отырған мақсатының бірі – емдеу орнының бірінші қабатына «электронды кезек» орнату, емделушілерді жоспарлы тәртіппен қабылдау мүмкіндігін тудыру болып отыр.
«Егемен-ақпарат».