Экономика • 12 Ақпан, 2019

2018 жылғы экспорттық жеткізілімдер мен импорттық түсімдер бағасының өзгеруі жарияланды

52 реткөрсетілді

2018 жылғы қаңтар-желтоқсанда экспортталатын тауарларға баға – 13,8%, импортталатындарға 7,9%-ға жоғарылады.

Өткен кезеңде экспорттық жеткізілімдер бағасы темір кендеріне – 26%, табиғи газға – 25,7%, марганец кендеріне – 22,1%, мысқа – 16,8%, мұнайға – 14,9%, ферроқорытпаларға – 14,3%, қара метал илегіне – 10,5%, көмірге 6,1%-ға жоғарылады, хром кендеріне – 13,9%, қорғасынға – 12,4%, мырышқа 8%-ға төмендеді. Бағаның арпаға – 21,5%, бидайға – 21%, мақтаға 8,9%-ға жоғарылауы, олардың жүнге 3,1%-ға төмендеуі тіркелді.

Импортталатын өнімдерден құс еті – 34,7%, темекі – 31,8%, көкөністер – 15,2%, балық – 14,3%, қант – 13,2%, шай – 9,1%, маргарин – 3,7%, фармацевтикалық өнімдер 3,4%-ға қымбаттады, какао – 4,3%, өсімдік майы – 5%, кофе 0,3%-ға арзандады. Баға аяқкиімге – 27,9%, шиналарға – 21,7%, құрылыс материалдарға – 15,8%, қағазға 15,1%-ға жоғарылады.

Баға индекстерін есептеу үшін экспорттаушы, импорттаушы кәсіпорындардың іріктемелі тобы және іріктелген өнім түрлері бойынша бағаны жалпымемлекеттік статистикалық байқауы (1-Ц (экспорт, импорт) нысаны), Еуразиялық экономикалық одаққа мүше мемлекеттермен тауарлардың өзара саудасы (1-ТС нысаны) туралы жалпымемлекеттік статистикалық байқауларының алғашқы статистикалық деректері және Кеден статистикасы деректері пайдаланылады. Баға индекстерін агрегаттауға қолданылатын салмақтау сызбасы теңгемен көрсетілген белгілі бір жылдың сыртқы сауда айналымы құнының деректері бойынша есептеледі.

Баннер
Соңғы жаңалықтар

Ұқсас жаңалықтар