Қазақстан • 13 Ақпан, 2019

Қарағандыда 120 мамандыққа оқытатын курстар ашылады

419 рет
көрсетілді
1 мин
оқу үшін

Қарағанды облысында жұмыссыздар қысқа мерзімді кәсіптік оқыту курстарына қабылданып, еңбек нарығында сұранысқа ие мамандықтар бойынша білім алатын болды. Бұл туралы облыстық білім беруді дамыту жөніндегі қоғамдық кеңестің төрайымы Маулида Жошина мәлімдеді.

Қарағандыда 120 мамандыққа оқытатын курстар ашылады

Жұмыссыздар бұл курстарға жасына, білімі мен тұрғылықты жеріне қарамастан түсе алады және олар оқу кезінде материалдық көмекпен қамтамасыз етіледі.

Мысалы, облыс аумағына жататын, бірақ қатысушы тұратын елді мекеннен тыс орналасқан білім беру ұйымдарына барып қайту үшін оқудың барлық кезеңінде 4 АЕК (10100 тг) төленеді. Тұратын жеріне төлеу үшін ай сайын 5 АЕК (12625 тг) бөлінеді, сонан соң оларға 16759 теңге мөлшерінде шәкіртақы беріледі

120-дан астам мамандық оқытылатын курстардың ұзақтығы жұмыссыз жүрген жандардың біліктілігі мен икеміне байланысты бір айдан алты айға дейінгі уақытты қамтиды.

Қайрат ӘБІЛДА,

«Егемен Қазақстан»

Қарағанды