Аймақтар • 15 Ақпан, 2019

Қарағанды облысында қардың қалыңдығы өлшенді

215 реткөрсетілді

Қарағанды облысында көктемгі тасқын судың алдын алу мақсатында қардың деңгейін өлшеу жұмыстары жүргізілуде.

Таяуда облыстық төтенше жағдайлар жөніндегі департаменттің қызметкерлері «Қазгидромет» мекемесі облыстық филиалының мамандарымен бірлесіп, Нұра және Шерубай-Нұра өзендерінің бойымен жүріп отырып, Қарқаралы, Шет және Бұқар жырау аудандарын аралап шықты.

Нақтырақ айтқанда, облыс бойынша Калинин, Матақ, Бесоба, Қызылтау, Қамқор, Ақөре, Керней, Шешенқара, Аққұдық, Тоғызқұдық, Қушоқы елді мекендерінің, сондай-ақ «Жосалы» шипажайы мен «Өгізтау» қыстағының маңында қардың қалыңдығын өлшеу жұмыстары жүргізілді.

– Аралау жұмыстары 12 бақылау нүктелері бойынша жүргізілді. Ол үшін төтенше жағдайлар жөніндегі департаменттің «ТРЭКОЛ» жол талғамайтын көлігі пайдаланылды. Маршруттың жалпы ұзындығы 1350 шақырымды құрады. Өлшеу жұмыстары қардағы судың деңгейі қазір шекті бірліктен төмен екенін көрсетті, – дейді Қарағанды облыстық ТЖ департаментінің баспасөз хатшысы Жанна Дәуренбекова.

Қайрат ӘБІЛДА,

«Егемен Қазақстан»

Қарағанды

Соңғы жаңалықтар

Алматы маңында жер сілкінді

Қазақстан • Бүгін, 10:45

Дзюдо: Бүгін жүлде бұйырмады

Күрес • 24 Қаңтар, 2020

Президент әкімдермен кеңес өткізді

Президент • 24 Қаңтар, 2020

Ұқсас жаңалықтар