Есіл ауданының тұрғын үй қоры толығымен е-ПИК жүйесіне қосылған. Бүгінгі таңда келісім-шарттар бекітіліп, қызмет көрсетуші ұйымдардың барлығы бірыңғай жүйеге қосылды. Жоба тұрғындардың ыңғайлылығы үшін жұмыс істеп, қызмет көрсетуші ұйымдар жұмысының ашықтығын қамтамасыз етеді», – деп мәлімдеді аудандық әкімдіктің баспасөз хабарламасында.
Ауданда 482 көп пәтерлі тұрғын үй бар. 2017-2018 жылдары ауданда орналасқан апаттық жағдайдағы 22 үйдің 15 сүрілген. Бүгінгі таңда ауданда апаттық жағдайдағы 7 үй бар. 2018 жылы ПИК күшімен мақсатты алымдардың есебінен үйлердің подъездерінде, жабындарында, жылу тораптарында жөндеу жұмыстары жүргізіліп, 14 тұрғын үй кешенінің қасбеттері қалпына келтірілді.
