Спорт • 19 Ақпан, 2019

 Ертең шаңғышылардың әлем чемпионаты басталады

225 реткөрсетілді

Ертең Австрияның Зефельд-ин-Тироль қаласында шаңғыдан әлем чемпионаты басталады.

3 наурызға дейін созылатын жарыста осы спорт түрін серік еткен жер шаһандағы мықтылардың барлығы 21 жүлде жиынтығын сарапқа салады. Олардың қатарында Олимпия ойындары мен дүниежүзілік деңгейдегі додаларда дараланған саңлақтар да бар. Тарқатып айтсақ, байрақты бәсекелер барысында шаңғы жарысынан –12, трамплиннен секіруден – 5 және шаңғы қоссайысынан – 4 жүлде жиынтығы таратылады.

Австриядағы әлем чемпионатында біздер шаңғышыларға зор үміт артамыз. Осы жарыста Қазақстан құрамасы сапында ерлер арасында Алексей Полторанин, Николай Чеботько, Виталий Пухкало, Евгений Величко, Олжас Климин, Дәулет Рақымбаев және Денис Волотка өнерн көрсетсе, әйелдер сайысында Анна Шевченко, Валерия Тюленева, Ирина Быкова, Елмира Мутағарова және Марина Матросова бақ сынайды.

Ғалым СҮЛЕЙМЕН,

«Egemen Qazaqstan»

 

Соңғы жаңалықтар

Алматы маңында жер сілкінді

Қазақстан • Бүгін, 10:45

Дзюдо: Бүгін жүлде бұйырмады

Күрес • 24 Қаңтар, 2020

Президент әкімдермен кеңес өткізді

Президент • 24 Қаңтар, 2020

Ұқсас жаңалықтар