Қазақстан • 20 Ақпан, 2019

Астанада жоғалған баланың өлі денесі табылды

324 рет
көрсетілді
1 мин
оқу үшін

Астанада 4 күн бұрын жоғалып кеткен 13 жасар бала құдықтан өлі күйінде табылды. Бұл туралы Ішкі істер министрлігі Төтенше жағдайлар комитетінің ресми өкілі Нұрсұлтан Нұрахметов мәлімдеді.

Астанада жоғалған баланың өлі денесі табылды

«19 ақпан күні сағат 16:53-те Астананың Теміржол тұрғын алабында Орталық өңірлік аэромобильді шұғыл-құтқару жасағының құтқарушылары 2006 жылы туған баланы іздестіру жұмыстарын жүргізді. Ол 16 ақпанда үйінен шығып кетіп, қайта оралмаған. Сағат 23:40-та волонтерлар ашық жатқан кәріз құдықтарының бірінен жоғалған баланың денесін тапты. Құтқарушылар мәйітті алып шықты», Нұрсұлтан Нұрахметов.

Астана қалалық Полиция департаментінің баспасөз қызметі мәлімдегендей, оқиға бойынша тергеу басталды. Сот-медициналық сараптама тағайындалды. Бақдәулет Өмірханның денесінде көзге көрінетін зорлық-зомбылық белгілері байқалмаған. 

«Баланың жоғалу себебін анықтау және оның орналасу жерін анықтау мақсатында шұғыл-іздестіру тобы құрылды. Оған полицейлер, әскери қызметшілер, төтенше жағдайлар қызметкерлері енді. Сондай-ақ іздестіру жұмыстарына еріктілер қосылды. Әскери қызметшілер мен волонтерлар кенттегі (Теміржол тұрғын алабы) орманды алқаптарды, қараусыз қалған жер үйлерді, ашық алаңдарды, теміржол өткелдерін, кәріз құдықтарын, сондай-ақ техниканың көмегімен трассалар бойын тінтіп шықты», деді ол.