Дәрігерлер бастап еді, банктегілер қостады

Жұма, 15 маусым 2012 6:57

Жыл сайын 14 маусымда Дү­ниежүзілік донор күнін өткізу туралы бастамаға 4 бірдей халық­аралық ұйым ұйытқы болып ке­леді. Бұлар – ДДСҰ, Қызыл Крест және Қызыл Жарты ай халықара­лық федерациясы, Қан донорларын ұйымдастырудың халықаралық федерациясы және Халықаралық қан құю қоғамдас­тығы. Бұл ұйымдар қанды тегін және өз ерікте­рімен тапсыруға үндейді.

 

Жұма, 15 маусым 2012 6:57

Жыл сайын 14 маусымда Дү­ниежүзілік донор күнін өткізу туралы бастамаға 4 бірдей халық­аралық ұйым ұйытқы болып ке­леді. Бұлар – ДДСҰ, Қызыл Крест және Қызыл Жарты ай халықара­лық федерациясы, Қан донорларын ұйымдастырудың халықаралық федерациясы және Халықаралық қан құю қоғамдас­тығы. Бұл ұйымдар қанды тегін және өз ерікте­рімен тапсыруға үндейді.

Биыл мұндай шараны Алматы қаласындағы қала­лық қан орта­лығы Дүние­жүзілік донор күні қар­саңында бастады. Бұл орта­лық­тың өзі де 2004 жылы 14 маусымда құ­рылған. Қала­лық әкім­шіліктің құзырына қарайтын ор­талық Алматы­дағы 20-ға тарта ме­дицина­лық мекемеге қызмет көрсе­теді. Мыңдаған адам­дар­дың өміріне араша болған қан орта­лығы қан дайындау­дың заманауи әдістерін енгі­зіп, тестілеп, донор­лық қан құ­рамының қосымша қауіп­сіз­­дігін қамтамасыз етеді.

Ал биылғы Дүниежүзілік донор күні «Әлемді жарыл­қа!» деген ұранды ұстанған. Бұл бастама кездейсоқ апаттар мен жара­қат­тардан қан жоғалтып, созылмалы қан ауруларына душар бол­ған жандардың өмірін ұзартуға септесетіні сөзсіз.

Алдымен бұл акцияға қа­ла­­лық денсаулық сақтау бас­қар­ма­сының басшылы­ғымен Алматы дәрігер­лері­нің өзі белсене кірісіп, қан тапсыруды бастады.

– Бізде қанға деген қа­жеттілік өте жоғары, қала­ның инфрақұры­лымы өсіп келеді, жол-көлік оқи­ға­сы да жиілеген. Бұдан бөлек, соң­ғы жылдары бала туу көр­сет­кіші де жоғары, – деді қалалық Қан орталығының директоры Жандос Надиров.

Сондай-ақ 12 маусым күні Алматыдағы «Темір­банк» АҚ-ның қызметкер­лері де «Се­нің күнің, донор!» атты қан тапсыру науқанына қаты­сып, 43 адам 19 литр 350 грамм қан өткізді.

Бұл шарапатты істі Қар­жы институтының қызмет­кер­лер­ді бас­қару департа­мен­тінің ұйым­дас­тыруымен Республи­ка­лық қан орта­лығы мен «Бауыржан» қайы­рымдылық қо­ры бірлесіп өткізді. «Бүгіннен бастап донор бол» ұра­нымен өткізіліп отырған науқан Қазақстан­дағы донорлық институтты дамытуға үлес қосуға ба­ғытталған.

Мұндай игі бастама Темір­банкте осымен үшінші рет өткі­зіліп отыр. Оған 2010 жылы – 42, 2011 жылы – 47 адам өз еркімен қа­тысқан болатын. Биыл жи­нал­ған қан Республикалық педиатрия институты мен еліміздің медициналық меке­ме­ле­ріндегі күр­делі онколо­гия­лық және гемато­ло­гия­лық сырқат жандарға көмек ретінде жөнелтілетін болады, – дейді «Темірбанк» АҚ-ның баспасөз қызметінің бас маманы Мәдина Кеңес.

Айнаш ЕСАЛИ,

«Егемен Қазақстан».

АЛМАТЫ.