Хиллари КЛИНТОН: Қазақстандағы заңдылық ұлықтылығы
Дүйсенбі, 16 қаңтар 2012 7:52
Қазақстан Республикасының Сыртқы істер министрі Ержан Қазыханов АҚШ-тың Мемлекеттік хатшысы Хиллари Клинтонмен телефон арқылы сөйлесті. Сұхбат барысында тараптар екіжақты стратегиялық серіктестігінің болашағын талқылады.
Қазақстан және АҚШ сыртқы саяси ведомстволарының басшылары дипломатиялық қатынастарды орнату күнінен бері 20 жылдың ішінде екі мемлекет ұзақ жолды еңсеріп, кең ауқымды ынтымақтастықты әрі қарай нығайту жолында баянды негіздер қалағанын атап өтті. Бұл ынтымақтастық қауіпсіздік, жаппай қырып-жоятын қару-жарақтарды таратпау, энергетика, экономикалық даму, аймақтық тұрақтылық және демократиялық үдерістерді дамыту сияқты салаларды қамтуда.
Дүйсенбі, 16 қаңтар 2012 7:52
Қазақстан Республикасының Сыртқы істер министрі Ержан Қазыханов АҚШ-тың Мемлекеттік хатшысы Хиллари Клинтонмен телефон арқылы сөйлесті. Сұхбат барысында тараптар екіжақты стратегиялық серіктестігінің болашағын талқылады.
Қазақстан және АҚШ сыртқы саяси ведомстволарының басшылары дипломатиялық қатынастарды орнату күнінен бері 20 жылдың ішінде екі мемлекет ұзақ жолды еңсеріп, кең ауқымды ынтымақтастықты әрі қарай нығайту жолында баянды негіздер қалағанын атап өтті. Бұл ынтымақтастық қауіпсіздік, жаппай қырып-жоятын қару-жарақтарды таратпау, энергетика, экономикалық даму, аймақтық тұрақтылық және демократиялық үдерістерді дамыту сияқты салаларды қамтуда.
Е.Қазыханов Мемлекеттік хатшыны Парламент Мәжілісіне сайлауды өткізу жұмысы жайлы хабардар етіп, сайлау демократиялық даму жолында маңызды қадам болып, еліміздің одан әрі жүйелі және тұрақты әлеуметтік-экономикалық дамуына мүмкіндік туғызатынын баса айтты.
Х.Клинтон Қазақстанның еркін әрі әділ сайлауды өткізуге деген нық ұстанымына мызғымас қолдау білдіріп, еліміздің ашықтығы мен көптеген шетелдік байқаушылардың шақырылуын айрықша атап өтті. Мемлекеттік хатшы Америка Құрама Штаттары Қазақстанның әрі қарай жан-жақты дамуын толыққанды қолдайтынын баса айтып, еліміздегі үдерістердің маңызды аймақтық тұрғыда өтіп жатқанын атап өтті. Сонымен қатар, АҚШ Мемлекеттік департаментінің басшысы, Конституциялық Кеңес көзқарасына қарамастан, бүкіл қазақстандықтардың конституциялық борышын қамтамасыз ету мүдделеріне бағышталған Қазақстан Президентінің Жаңаөзендегі сайлауды өткізу жөніндегі шешімі Қазақстандағы заңдылық ұлықтылығы мен демократия қағидаларына деген нық ұстанымының жарқын айғағы деп айтты.
Сұхбаттасушылар Қазақстанның Сыртқы істер министрінің Вашингтонға жуық арада баратын ресми сапары екі ел президенттері арасында қол жеткізілген уағдаластықтар мен екіжақты ынтымақтастықты одан әрі үдетуге серпін беретіндігін атап өтті.
Осыған орай, 2012 жылғы наурызда Сеулде өтетін Екінші ядролық қауіпсіздік саммитінің және оның аясында Президент Н.Назарбаев пен Президент Б.Обама кездесуінің маңыздылығы атап айтылды. Қазақстан Президентінің Сеулдегі саммитке қатысуы Ақ үй басшысы мен Корея Республикасы Президенті Ли Мен Бактың шақырулары негізінде жоспарлануда.
Хиллари Клинтон: «Президент Назарбаев ядролық қару-жарақты таратпау және қарусыздандыру режімін нығайтуға зор жеке үлесін қосты, осы орайда Президент Обама Қазақстан көшбасшысымен және әлемнің басқа елдері басшыларымен осы маңызды саладағы ынтымақтастықты нығайтуға бағышталған кездесулерді асыға күтеді», – деп атап өтті.
«Егемен-ақпарат».