Хоккей • 28 Ақпан, 2019

Боченски мен Фрэттиннің бенефисі

2982 реткөрсетілді

Құрлықтық хоккей лигасының (ҚХЛ) плей-офф кезеңіне шыққан елорданың «Барыс» хоккей клубы Гагарин кубогының 1/8 финалында Төменгі Новгородтың «Торпедо» командасымен кездесіп, алғашқы ойында ірі есеппен жеңіске жетті.

Он мыңға жуық жанкүйердің қолдауымен «Барыс Арена» мұзай­дын сарайында өткен кезде­суде «Барыс» командасы жан­күйерлер күткендей матч басында ойын тізгінін өз қолына алып, плей-офф кезеңінің келесі сатысына шығуды алдына мақсат етіп қойғаны анық байқалды. Тіпті, матчтың бесінші минутында Мэттью Фрэттин «Торпедо» қақ­­пашысы Браст Барримен бір­ге-бір шыққан болатын, бірақ Барри шеберлігімен көзге түсіп, қақпасын голдан сақтап қалды. Матчтағы есепті бірінші болып қонақ команда ашты. Ойынның 12-минутында «Торпедо» ойын­шысы Роберт Саболич мер­ген­дігімен көзге түсіп, командасын есепте алға шығарды. Жер­лестеріміз бірінші кезеңде есепті теңестіруге тырысып бақ­қанымен, қарсыластар шайба соғуға мүмкіндік берген жоқ. 

«Барыс» хоккейшілері екін­ші кезеңінің орта тұсынан бас­тап қарсылас команданың қақпасына қарай шабуылды қарша боратты. Тіпті, таблодағы көрсеткіш 0:1 емес, 10:1 нәти­жесімен «Барыс» пайдасына шешілуі мүмкін еді. Бірақ «Торпедо» қақпашысы Браст Барридің шеберлігін ерекше атап өту керек. «Барыстың» екінші кезең бойы тынымсыз шабуылының нәти­желі аяқталуына Барри мүмкіндік бер­меді. Ол қақпасына бірде-бір шайба өткізген жоқ. «Барыс» ойыншылары екінші кезеңнің соңғы минутында есеп­ті те­ңестіруге мүмкіндік ал­ды. Шай­ба авторы – Андре Петерс­сон. 

Үшінші кезеңде де ойын тізгінін қолға алған елорда командасы 42-минутта өз дегеніне жетіп, Брэндон Боченскидің соққан шайбасының нәтиже­сінде есепте алға шықты. Арада екі ми­нут өткенде Мэттью Фрэт­­тин мергендігімен көзге түсіп, командасының үшінші шай­басын соқты. «Барыстың» басымдығымен өткен кезде­судің нүктесін 56-минутта ко­манда капитаны Брэндон Бо­ченски қойды. Қорытынды есеп – 4:1, «Барыстың» пайдасына. 

Бүгінге дейін екі клуб тұ­рақты біріншілік аясында өзара 24 кездесу өткізді. Соның 11-інде «Барыс» басымдық та­нытқан болатын. Қалғанында «Торпедоның» асығы алшысынан түсті. Айта кету керек, елордалықтар 8 мәрте негізгі уақытта жеңіске жетсе, екі ойында овертаймда басым түскен. Ал бір кездесуде «Барыс» буллит сериясы бойынша ұтқан болатын. Елорда командасы қарсылас қақпасына 71 шайба соқса, «Торпедо» ойыншылары 68 мәрте мергендік танытқан. Екі команда соңғы рет былтыр 14 қыркүйекте кездесіп, «Ба­рыс Аренада» өткен матчта елор­далықтар 4:1 есебімен жеңіске жеткен еді.

Екі команда арасындағы плей-офф кезеңінің екінші кез­десуі бүгін «Барыс Арена» мұзай­­дын сарайында өтеді. Қал­ған екі ойын 2 және 4 наурыз­да Төменгі Новгородта өтеді. Ай­та кетейік, плей-офф кезеңі екі ко­манданың бірі төрт рет жеңіске жеткенге дейін жалғасады.

Әли БИТӨРЕ,

«Egemen Qazaqstan»

Баннер
Соңғы жаңалықтар

Ақтауда достық көрмесі өтті

Аймақтар • Бүгін, 15:44

Шпал өндірісі іске қосылды

Экономика • Бүгін, 15:07

Қайран тілім қор болды-ау!..

Руханият • Бүгін, 10:08

Жаңғырық жайлы хикая

Руханият • Бүгін, 10:05

Қаламның қарагері

Руханият • Бүгін, 10:00

Камбэктің драмалық хикаясы

Спорт • Бүгін, 09:46

Толағайлар неге тоқырады?

Спорт • Бүгін, 09:20

Халықаралық әуежай салынады

Аймақтар • Бүгін, 09:12

Дәстүр білген адаспас

Руханият • Бүгін, 09:07

Ұлт газеті ұлықталған күн

Руханият • Бүгін, 08:58

Ұқсас жаңалықтар