Жарыс Құрлық әскерлері бригадаларының оқу полигондарында бөлімшелерді гарнизондардан тыс жерге ауыстырусыз өткізіледі. Құрамында тәжірибелі әскери қызметшілер бар төрешілер алқалары жарыстың жеңімпаздарын екі номинация бойынша анықтайды: біріншісі мотоатқыштар, десанттық-шабуылшы, шабуылшы батальондар, теңіз жаяу әскерлері батальондары арасында және екіншісі танк батальондары арасында. Жарыс барысында батальондардың жеке құрамына, мерзімді әскери қызметтің әскери қызметшілерін қоса алғанда, тәуліктің кез келген уақытында ауа райы жағдайларына қарамастан штаттық қару-жарақтан бақылаулық (оқу) атыс жаттығуларын және жауынгерлік даярлық пәндері бойынша нормативтерді орындау қажет. Өткен жылғы жарыстың нәтижесі Құрлық әскерлері бөлімшелерінің атыс жаттықтыру деңгейінің айтарлықтай артқанын, әскери қызметшілердің дәл көзбен көру және ату дағдысының артқанын атап өткен жөн.
