24 сағат
Сәрсенбі, 25 қаңтар 2012 7:54
Франция сенаты да осы ел парламентінің төменгі палатасы секілді армяндарға қарсы геноцидті мойындаудан бас тартқандарға қылмыстық жауапкершілікті қарастыратын заң жобасын мақұлдады. Ол бойынша кінәлі деп табылған адам 40 мың еуро айыппұл төлейді немесе 1 жылға сотталады. Францияның қадамын Түркия француз тарапы жауапсыздығының жарқын мысалы деп мәлімдеді.
Сәрсенбі, 25 қаңтар 2012 7:54
Франция сенаты да осы ел парламентінің төменгі палатасы секілді армяндарға қарсы геноцидті мойындаудан бас тартқандарға қылмыстық жауапкершілікті қарастыратын заң жобасын мақұлдады. Ол бойынша кінәлі деп табылған адам 40 мың еуро айыппұл төлейді немесе 1 жылға сотталады. Францияның қадамын Түркия француз тарапы жауапсыздығының жарқын мысалы деп мәлімдеді.
Сирия басшылығы Араб мемлекеттерінің лигасы (АМЛ) ұсынған қандайда бір бастамалардан бас тартатынын жария етті. Мұндай мәлімдемені Сирияның сыртқы істер министрі Валид Муаллем жасады. Ол сондай-ақ АМЛ-ді Сирияның ішкі жанжалын халықаралық деңгейге шығаруға әрекеттеніп отыр деп сын тезіне алды.
Ұлыбританияның таза қарызы 1993 жылдан бері алғаш рет рекордтық көрсеткішке жетіп, 1,19 триллион еуроны құрады. Бұл жалпы қарыз бен валюта резерві арасындағы айырмашылық болып табылады. Аталған қаржы ел ішкі жалпы өнімінің 64,2 пайызы деген сөз.
Израиль әскерилері кеше ертеңгісін Хамас қозғалысынан палестиналық депутат Абул Джаббар Фукаханы қамауға алды. Ол өзінің үйінде тұтқындалды. Соңғы 5 күн ішінде Фукаха Израиль тұтқындаған төртінші палестиналық депутат болып отыр. Ал қазіргі кезде Израиль түрмелеріне аталған қозғалыстың 24 депутаты қамалған.
АҚШ-тың Федералды тергеу бюросы лаңкестікке қатысы бар деген күдікпен өзбекстандық босқынды қамауға алды. Колорадо штатында тұрып жатқан 35 жастағы өзбек эмигранты Жамшид Мухторов халықаралық О’Хара әуежайында тұтқындалған. Ол Пәкстанда орын тепкен лаңкестік топқа қосылмақ ниетінде болғанын жасырмаса керек.
Ресей Суданнан өз бітімгершілерін шығаратын болды. Осындай жарлыққа Ресей президенті Д.Медведев қол қойды. Жарлық БҰҰ Қауіпсіздік Кеңесінің 2011 жылдың 11 шілдесіндегі Судандағы бітімгершілік миссиясын аяқтау жөніндегі шешіміне орай шығарылды.
Қырғызстанда 400-ден астам тұтқын наразылық ретінде ауыздарын тігіп тастады. Осылайша олар өздерінің Бішкектегі СИЗО-1 қызметкерлерінің қатыгездігіне наразылықтарын білдірді. Аталған түзеу орнында жақында тәртіпсіздіктер қатаң басылған болатын.
АҚШ президенті Барак Обамаға Атлантадағы сотқа келу міндеттелді. Талаптың мазмұны мынадай: ол АҚШ аумағында тумағандықтан, президент бола алмайды. Аталған іс бойынша тыңдау 26 қаңтарға белгіленген. Істі әкімшілік-құқық бұзушылық бойынша судья жүргізуі тиіс. Талапты Джорджия тұрғыны берген көрінеді.
Ресей Либерал-демократиялық партиясының серкесі Владимир Жириновский Мемлекеттік думаға АҚШ-тың жаңа елшісінің оппозициямен кездесуіне барған үш депутат – И.Пономарев пен О.Дмитриеваны және Л.Калашниковты жазалауды ұсынды. Бас либерал-демократтың пікірінше, кездесуге қатысқан депутаттар мандаттарын өздері тапсырулары тиіс немесе оларды Мемлекеттік думада отыру құқынан айыру қажет.
Мәскеу метросында жаппай төбелес салдарынан 1 адам ауыр жарақат алса, 8-і қамалған. Төбелеске 9 адам қатысса, 2-уі Қырғызстан азаматы көрінеді. Екі қырғыз да Мәскеуде өткен жылдың шілдесінен бері тіркеу құжатынсыз жүріпті. Төбелеске қатысқандардың барлығы қызу екен.
Ақпарат агенттіктерінің материалдары негізінде әзірленді.
