Аймақтар • 06 Наурыз, 2019

Теміржолшылар жемқорлыққа тосқауыл қоймақшы

845 реткөрсетілді

Қостанай, Солтүстік Қазақстан, Ақмола облысы мен Астана қаласына қарасты 5 локомотив пен вагон пайдалану депосы және 26 станса ұжымында сыбайлас жемқорлыққа қарсы күрес тақырыбында конференциялар болды. Бұл туралы «ҚТЖ-Жүк тасымалы» АҚ баспасөз қызметі хабарлады.

Кездесу мемлекеттік қызмет істері және сыбайлас жемқорлыққа қарсы іс-қимыл агенттігінің Ақмола облысындағы  қызметкерлерінің қатысуымен өтті. Шараның мақсаты – теміржол көлігі саласындағы заң бұзушылықтарды болдырмау.

Кездесу барысында теміржолшылар назарына сыбайлас жемқорлықтың алдын алу жөнінде жүргізіліп жатқан жұмыстар туралы ақпарат және тақырыптық бейнероликтер ұсынылды.

«Теміржолшылар әрқашан өз жұмыстарына адалдық танытуда үлгі бола білді. Сондай-ақ ал темір жол – сенімнің және тұрақтылықтың нышаны. Ұжымдармен сыбайлас жемқорлыққа қарсы күрес туралы ақпараттық-түсіндірме іс-шаралары 2019 жылдың негізгі міндеттері қатарына кіргізілген», деп атап өтті ЖТ Ақмола бөлімшесінің директоры Нұрым Жаниязов.

Теміржолшыларды Қазақстан Республикасының сыбайлас жемқорлыққа қарсы күрес заңнамаларын қатаң сақтауға,  сыбайлас жемқорлықтың алдын алуға, сондай-ақ заңбұзушылық фактілері туралы жедел хабарлауға шақырды.

 

 

Соңғы жаңалықтар

Ұқсас жаңалықтар