Медицина • 07 Наурыз, 2019

Елімнің әлеуеті мақтаныш сезімін тудырды

746 реткөрсетілді

Елбасы Нұрсұлтан Назарбаев жуырда ғана «Нұр Отан» партиясының кезекті съезінде бәрімізді қуантып, халыққа орасан зор материалдық қолдау жасау жөніндегі шешімін жариялаған еді. Бюджеттен еңбекақы алатындардың табысы артатын болғаны бізге де қатысты.  

Мемлекеттік театрда істейтін біздің өнер­паздарымыз да өз­дерінің еңбекақы­ларының арт­тыры­латынына, бұл мақсатқа бюд­жеттен 980 млрд теңге бөлі­нетініне қатты қуанды. 

Дегенмен, бізден гөрі көп ­балалы аналарға берілетін көме­ктердің көбейетіні бүкіл елді елең еткізгенін көзіміз көрді. Қазір мемлекеттен 570 мыңнан ар­тық адам осындай көмек ала­ды екен. Бұл 18 миллион ғана халқы бар ел үшін үлкен көр­сеткіш. Кейбір көп балалы ана­лар­дың мұқтаждыққа тап бол­ған халдерін де көріп жүрміз. Енді солар­ға берілетін атаулы әлеуметтік көмек 21 мың тең­ге­ге арттырылатыны барша халқымызды қуантты. Өйткені алтын құрсақты аналарға қандай көмек жасасақ да артық емес қой.

Президент бұл көмектердің бәрі 2019 жылдың 1 шілдесінен бастап жасалады деп жариялаған еді. Енді кеше Ақордада өткізілген кеңесте Елбасы көмекке аса мұқтаж көп балалы отбасылардың бірінші шілдеден емес, биылғы 1 сәуірден кешік­пей әлеуметтік көмек алатынын айтты. Біз бұл хабарға да қатты қуанып қалдық. Осының өзі ерекше оқиға болып тұр. Осыдан-ақ Қазақстанның әлеуеті зор, діңгегі мықты мемлекет екенін көреміз. Егер әл-ауқаты төмен ел болсақ осындай орасан зор көлемдегі көмекті қысқа мер­зімде жасай алмаған болар едік. Шы­нымды айтсам, осы хабарды естігенде кеу­демде мақтаныш сезімі туды. Әрқашан да осындай биіктерге жете берсек дегім келеді. Сонымен бірге Президент көмекке аса мұқтаж жандарға мемлекет әрдайым қолдау көрсететінін қадап айтты. Бұл да әрбір азаматын қолдайтын қамқор еліміздің бар екенін ұқтырады. 

 «Нұр Отанның» съезінде айтылған тағы бір аса маңызды мәселе аймақтарды өркен­дету туралы еді. Осы бағытта Үкі­метке «Құтты мекен» және «Ауыл – ел бесігі» атты жобаларды қолға алу тапсы­­рыл­ған болса, кешегі кеңесте Елба­сы осы жо­ба­ларды тезірек қолға алуды талап етті. Соның ішінде ауыл мен аудан ішін­дегі жолдардың жөнделуі – халық­тың көкейін­де жүрген іс еді. Енді бұл мә­се­лелердің де шешімін табатыны барлық ауылдық­тар­ды және олардың қалада тұратын балаларын, туыстарын қуантары сөзсіз. 

Еркін КӘСЕНОВ,

Мемлекеттік академиялық орыс драма театрының директоры, Қазақстан Республикасының еңбек сіңірген қайраткері 

Соңғы жаңалықтар

Басты ақпарат (21.02.2020)

Видео • Бүгін, 18:56

Барлық мәселе ашық айтылды

Аймақтар • Бүгін, 06:56

Тендерді майшелпек көреді

Саясат • Бүгін, 06:55

Туризм – табыс көзі

Парламент • Бүгін, 06:53

Қиырдағы қайырымды қазақ

Қоғам • Бүгін, 06:45

Музыкалық мәдениет – мектептен

Руханият • Бүгін, 06:36

Ұқсас жаңалықтар