Медицина • 07 Наурыз, 2019

Заңнамалық қолдауға ие

991 рет
көрсетілді
2 мин
оқу үшін

Мемлекет басшысы Нұрсұлтан Назарбаев өткен жылдың қазан айындағы Қазақстан халқына Жолдауында әрбір азаматтың қауіпсіздігі, сондай-ақ мемлекеттегі ішкі тыныштықты қамтамасыз ететін құқық қорғау органдарын түбегейлі қайта құрылымдау керектігіне ерекше маңыз берді. 

Заңнамалық қолдауға ие

Бұл Жолдау іс жүзінде «Қазақ­стан-2050» Стратегиясында көр­­сетілген міндеттердің, атап айт­қан­да­, құқық қорғау органдарына халықтың сені­мін қалыптастыру туралы тап­сыр­малардың заңды жалғасы іспеттес болды. 

Қазіргі уақытта Үкімет тарапынан ішкі істер органдарын жаңғырту, оның ішінде, ІІМ қызметкерлері­нің санын ықшамдау, бейінді емес салаларды алып тастау, даярлық тәрті­бін өзгерту мен іріктеу, тұрғын­дар­мен ара­­дағы байланысты жетіл­діру бо­­йынша кешенді іс-шаралар жүргізілуде. 

Сонымен қатар қазір Парла­­мент­тің қарауында мемлекеттік қыз­­мет және сыбайлас жемқорлыққа қар­сы іс-қимыл мәселелері бойын­ша заң жобасы жатыр, онда оқыту­да тә­жі­рибелік бағдарланған тәсіл көзделеді. 

Мәселен, Мәжіліс депутаттары ЭЫДҰ елдерінің тәжірибесін ескере отырып, заң жобасына құқық қор­ғау органдарына қызметке алғаш кі­ре­тін адамдар үшін міндетті шарт бо­ла­­тын бастапқы кәсіби даярлық­тан өту қа­жеттілігін көздейтін түзетулер енгізді. 

Ол бойынша кәсіби даярлауды құқық қорғау органдарының білім беру ұйымдары жүзеге асыратын болады. Кәсіби даярлау бағдарламасы әр органның ерекшелігі бойынша бөлумен тәжірибелік-бағдарланған оқытуды және құқық қорғау органында тағылымдаманы қамтиды. Кәсіби даярлауды табысты аяқтау құқық қорғау қызметіне кіру үшін кепіл болмақ. Кадрлармен үздіксіз жасақтауды қамтамасыз ету үшін іріктеу жылына екі рет жүргізіледі. 

Бұл тәсіл қызметке үміткерлерді кәсіби даярлауды жүргізуге және құқық қорғау органдарын дайын ма­ман­дармен қамтамасыз етуге мүмкіндік береді.

Ал мемлекеттік қызмет жүйесін жаң­ғырту басым бағыттардың бірі бола отырып, мемлекетті басқару­да жаңа тәсілдерді әзірлеуді, мемле­кет­тік қызмет кадрларын барабар даярлауды және пайдалануды талап етеді. Демек, осыны ескере отырып, үздік әлемдік тәжірибені, оқытудың тиім­д­ілігін және түлектердің бәсе­кеге қабі­лет­тілігін қамтамасыз ете­тін иннова­ция­лық тәсілдерді пайдалану арқылы жүзеге асыруды, білім беру процесін жаңғырту керек.

Сондай-ақ бұл мәселелер бо­йынша тиісті құжаттар қабылданып жат­қандықтан, Елбасының тапсыр­ма­ларының жақын уақытта толық орындалары еш күмән тудырмайды.

Асылбек СМАҒҰЛОВ, 

Мәжіліс депутаты, 

Заңнама және сот-құқықтық реформа комитетінің мүшесі