Аймақтар • 11 Наурыз, 2019

 ERG Қостанай облысындағы әлеуметтік маңызды жобаларды қаржыландыру көлемін ұлғайтады

788 реткөрсетілді

Eurasian Resources Group (ERG) пен Қостанай облысының әкімдігі 2019 жылы әлеуметтік маңызды жобаларды жүзеге асырудағы әріптестік туралы Меморандум жасасты. Құжатқа ERG Бас атқарушы директорының бірінші орынбасары Алдияр Қазтаев пен Қостанай облысының әкімі Архимед Мұхамбетов қол қойды. Бұл келісім ERG тарапынан қаржыландырылатын жобалар саны артып, жалпы сомасы 3,7 млрд теңгеге жуықтады. 2018 жылы әлеуметтік жобаларға 2,9 млрд теңге инвестиция құйылған болатын.

Еуразиялық Топ ERG кәсіпорындары орналасқан моноқалаларда кешенді әлеуметтік зерттеулер жүргізген. Осы елді мекен тұрғындары арасында компания қызметкерлері  жүргізілген сауалнама нәтижесі ерекше назар аударуды қажет ететін өзекті мәселелерді айқындап берді. Осы әлеуметтік зерттеу негізінде республика Үкіметі бекіткен аймақтарды дамытудың үш жылдық бағдарламасы аясында жүзеге асырылатын маңызды әлеуметтік жобалар әзірленіп, оларды жүзеге асыру жолдары ұсынылған. Олар республикалық және жергілікті бюджетпен қатар Eurasian Resources Group тарапынан да қаржыландырылмақ. Қол қойылған меморандум да осы әлеуметтік зерттеулер нәтижесі мен үшжылдық бағдарлама негізінде әзірленген.

Қалыптасқан дәстүрге сәйкес қаражат Қостанай облысындағы әлеуметтік маңызды жобаларға, аймақты әлеуметтік-экономикалық дамытуға, оның инфрақұрылымын салуға жұмсалады, әсіресе оларды Eurasian Resources Group-тің «Туған жер – Родные города» бағдарламасы аясында дамытуды көздейді. Былтырғыдай Меморандумға ERG кәсіпорындарының қызметкерлері ұсынған нысандар да енгізілген. Олардың қатарында Арқалық қаласында балалар ойын алаңдарын орнату, Лисаковск қалалық жағажайын абаттандыру сынды ERG инноваторларының ІІІ форумында жеңіске жеткен жобалар бар.

2019 жылы Топ кәсіпорындары орналасқан Қашар кенті мен Октябрь сияқты шағын елді мекендерге ерекше көңіл бөлінбек. Ауылішілік жолдар мен мәдениет үйлері жөнделіп, спорт алаңдары орнатылады.

«Мемлекет басшысы Нұрсұлтан Назарбаев өткен жылдың қазан айындағы Жолдауы мен «Нұр Отан» партиясының съезінде  қазақстандықтардың өмір сапасын арттыру кер  ектігін баса айтты. Президент елдің тұруға жайлылығы – қолжетімді баспана, қауіпсіз аула, тұруға қолайлы әрі жайлы инфрақұрылым екенін ұдайы айтып келеді. ERG Қазақстанда жұмыс істеп келе жатқан 25 жыл ішінде өз миссиясын бұлжытпай сақтап, тек компания қызметкерлері ғана емес, кәсіпорын орналасқан өңірлердің тұрғындарына да қамқорлық жасап келеді. Топ қаржыландырған әрбір жоба қазақстандықтардың өмір сапасын арттыруға бағытталған» деді ERG директорлары кеңесінің төрағасы Александр Машкевич.

Қаражат Рудный қаласының жылу желілерін күрделі жөндеуге, сондай-ақ, қаладағы жолаушылар тасымалын жақсарту үшін 7 автобус сатып алуға жұмсалмақ.Лисаковск қалалық стадионы қайта қалпына келтіріліп, Қашар кентінің ауруханасына 2 жедел жәрдем көлігі сатып алынады. Рудныйдың қалалық ауруханасын да жабдықтау көзделген. Осы қаладағы балабақшалар мен мектептердің шатырын жөндеу жоспарда бар.

ERG балаларға сапалы білім беру – инвестицияның ең озық тәсілі екенін ескере отырып, Рудный индустриалды институты мен Рудныйдағы Тау-кен технология, Құрылыс және көлік және Лисаковск қаласындағы техникалық колледждерінің  материалдық-техникалық базасын нығайту жобаларын да қаржыландырмақ.

 Нәзира Жәрімбет,

«Егемен Қазақстан»

Қостанай

Соңғы жаңалықтар

Әлемдегі ахуал қандай?

Коронавирус • Бүгін, 10:57

Қызылорда: Тағы 3 адам тіркелді

Аймақтар • Бүгін, 09:57

ММА: UFC-ді сынға алды

Спорт • Бүгін, 09:20

Жұдырықтай жұмылайық

Руханият • Бүгін, 07:45

«Москваның» мәселесі көп

Аймақтар • Бүгін, 07:36

Зауалды бірлік жеңеді

Қоғам • Бүгін, 07:35

Жастар ауылдан кетпейді

Аймақтар • Бүгін, 07:34

Игіліктің бәрі халық үшін

Саясат • Бүгін, 07:25

Тұрғын үй бағасы қалай құбылады?

Экономика • Бүгін, 07:24

Ескінің жазығы – жаңаның қазығы

Руханият • Бүгін, 07:17

Гүлзада тіккен бетперде

Аймақтар • Бүгін, 07:12

Штаб құрылды

Аймақтар • Бүгін, 07:08

Елін өрге сүйрейтіндер

Руханият • Бүгін, 07:06

Бас қала әуежайының коды өзгерді

Қазақстан • Бүгін, 06:59

Төрімізде тұруы тиіс

Абай • Бүгін, 06:46

Ұлы мұра – ұлт мұраты

Абай • Бүгін, 06:42

Тұтқадағы тазалық

Қоғам • Бүгін, 06:33

Тасқынға мониторинг жүргізілді

Аймақтар • Бүгін, 06:31

Ұқсас жаңалықтар